قالوا تقول و قلت عندي مواضيع
نصيحةٍ . . للي يتسمّع و يوحي
ترا الطمع يا مدوّرين المطاميع
عليك بالتقوى تحوز النجوحي
دنياك هذي مثل لعب القراقيع
ظلٍ يزيف و عقب ذلك يروحي
ليا عاسمت دنياك مالك مطاليع
دنياك ما دامت لموسى و نوحي
لابد ما تقفي عن العبد و تريع
و لابد ما صِدره يعقب السروحي
نوبٍ تلقّمك الحصى و المصاريع
و نوبٍ تركّبك الحصان الجموحي
يالله . . . يا جيّاب وبل اللواميع
من بـارقٍ . . نـوّه ثقـيلٍ يـلـوحي
باوّل دخول الوسم وقت المنافيع
قيمة ثلاث اسبوع سيله يجوحي
يبرق و هو يرعد ثلاثة اسابيع
والماء علئ البيدا زعوجن يموحي
نوٍ يشجّع راعي الصنف تشجيع
نوٍ ما هو نوٍ خفيفن طفوحي
و غنّت عصافير الوطا بالمشاريع
مع السّبوع و ريح نبته يفوحي
متفاصلٍ نوارها و الطواليع
ما هي مصافق..دامجٍ كل لوحي
خيرٍ يعمّ المملكه دون تقطيع
و كويتنا وحتى الخليج النصوحي
يستانس الحاكم لوقت المناويع
و الشعب زاد به المنا و الفروحي
يا محلا ذبّه من الحزم للريع
و بالكف مجرودن طياره يشوحي
صداق يلحق يصقع الخرب تصقيع
ليا كوبرت في حد حزمٍ بصوحي
و غدّو بقفرٍ و الزبادي مصاليع
في قافرٍ ما به طوارف شبوحي
الصيد ما ذيّر من القفر ما زيع
طيرك يهد ابوقت بالٍ سموحي
تبشروا به . . . يالقلوب المواليع
اقبل شهرها واعسى الرب يوحي
وصلاة من له تسجد الخلق و تطيع
اللي ومر بالحق درب الفتوحي
الشاعر الكبير/سعود بن مسيعيد الحفر