مرثية الشيخ/مطني المنيجل الجميلي رحمة الله

[center]قصيدة الشاعر /ناصر مطني بن منيجل في والده الشيخ مطني بن منيجل رحمه الله


[poem=font="AL-Mateen,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
البارحة كني على الوجة مصفوق=أو تقل بعيوني تخز الاباري


اوتقل مضروب على الراس بطلوق=بمشوك ناره تقادح شراري


النوم حاربته ولااشرب ولا اذوق= مالي جدى غير البكى والهذاري


مثل الكسير اللي مع الساق مدقوق=مافاد به كثر الدواء والجباري


أصيغ زينات التماثيل واسوق= من ضامري جبت المثايل اجباري


واساير الابيات مع كل طاروق= واجاوب الورقا ولحن القماري


عليك ياشيخٍ خذى الطيب مطبوق =شيخ بطيبه كل قومة تماري


شيخ صدوق إليا تكلم وماثوق= له هيبةً عند الرجال ووقاري


شيخ يحل العقد لو صار مغلوق= حلاّل عسرات العلوم الكباري


على الكرم سباق ماهو بمسبوق= سابق على فعل المراجل وضاري


يبكيه بيتً عامراُ كنه السوق= مفتوح بابه كل ليل ونهاري


ويبكيه ديوانً به الحق مفروق =منصى الضعيف اللي حدته الجواري


وتبكيه صفراً ركزن كنه النوق= والبن الأشقر لا خلطه البهاري


ويبكيه مسكيناً عن الحق مفهوق=محتار في ممشاه ماله مباري


يا الله يا عالم خفى كل مخلوق =يا عالمٍ ماب الخفى والجهاري


تحفظ عقيد القوم في جنتك فوق=في جنة الفردوس ظل وحواري


تجعله ياربي من النار معتوق= يا اللي بعلم السر والغيب داري


والموت حق وكل مطرود ملحوق=لو طالت الأيام تجري الجواري


دنيا تقلب ما عرفنا لها سوق= نوب ظلام ونوب مثل النهاري


دنيا تفرق بين عاشق ومعشوق= عقب الحلا تسقيك كاس المراري


دنياك هذي فانية مالها سوق= والآخرة دار البقى والقراري


صلوا على المختار ما لاحت بروق= وعداد ما ذعذع نسيم الذواري[/poem]


,,, وسلامتكم ,,,

الصمت

يعطيك العافيه وصح لسان ناصر المنيجل ..والله يرحم الشيخ مطني المنيجل ..نعم الرجل كان حسن السيره

ومثالاً حسناً للاخلاق والكرم وكان هو واجهة الجماعة في رفحاء بدون قصور بالجميع

ما أقول الا الله يغفر له ويسكنه فسيح جناته..والبركه في عياله الله يوفقهم على طاعته

شـكــ وبارك الله فيك ـــرا لك ... لك مني أجمل تحية .
يااخ / المخضرم على مرورك لصفحتي ونورت صفحتي بطلتك

شكرا ياااستاذ/ خلف المهدي على التعديل

صح لسان الأستاذ الشاعر / أبو عبدالرحمن

والله يرحم الشيخ / مطني المنيجل رحمة واسعة

فقد له الفضل الكبير في لم قبيلة الجميل في الشمال ، وطلب المخطط لهم في هجرة الحدقة


والشكر موصول لكاتب الموضوع الأخ الكريم الصمت

شكرا لك اخي( الصمت) على نقل مرثية الشيخ/ مطني بن منيجل رحمه الله رحمة واسعه واسكنه فسيح جناته .

شكرا لك اخي / الصمــــــــــــت على النقل الرائع

والله يارحمه ويسكنه فسيح جناته


وتقبل مروري

صح آلسسسآنك آخي صمت وآلسسسآن شآعرهآ
وسلمت يدآآآك على مآنقلت ناصر مطني بن منيجل
شآعر معروف ذو صفآت حميدهـ
وآتمنى آن آلكلآم يوفي فيه لآكآن كتبت فيه من آلمد لآيقل عن عشرين
صطرآ
آلله يعطيك آلعآفيه آخوي صمت على مآطرقت لنآ من جديد


آحترآآآآآمي .....................}