الضيقة اللي دايم تالي عصير .......الشاعر.ابن فطيس

بسم الله الرحمن الرحيم
السلام عليكم ورحمة الله وبركاته وبعد ...

اليوم أقدم لكم هذه القصيده لجمالها وروعتها و وصفها وعذوبتها

* يوم افكر انزل اي قصيده دايماً افضل انزل قصايد غير متكرره او غير مشهوره ..
بس من عذوبة هـ القصيده انجبرت انزلها .. مع ان ادري ما في حد ما حافظها او قراها أو سمعها

[

الضيقة اللي دايمٍ تالي عصير
وش حيلتي / وأردها لا تجيني
لا طال ظل العود حزة عشى الطير
كنها على سجن الحديد تحديني
يضيق صدري كل / ما جات وأسير
ولايخفف سوج رجلي حنيني
لا حولنا مشراف ولا اقدر اطير
يالله قمسة خير لا تبتليني
وعقارب الساعة توقف عن السير
ولاكن في الدوحة سواتي حزيني
والعبره اللي تاصل الحلق وتحير
يا قربها لو قيل لي يا عويني
أمل شوف الناس ورد ومصادير
واللي يقول اشفيك / كنه يهجيني
يعني على ما قيل من باب تصوير
" لاحدٍ أبي قربه ولا أحدٍ يبيني "
أروح أدور خط مابه دواوير
وأدور اللي هادها تهتديني
وآخذ مع الهاجوس سجة / وتفكير
وأراجع اللي فات بيني وبيني
وأحسب ذنوبي وأدور التكفير
عساي ما قصرت في والديني
وعساي ما قارنت من ينفخ الكير
واللي يحمل المسك جعله قريني
ويطري علي يوم الحشر وأطلب مجير
ما أعطى كتابي / في شقيقة يميني
ويطري علي صدقان كثر الدنانير
اللي اتعاديني / إلا كثر ديني
وراعي الهروج اللي سوات المناشير
أصد عنه وأدري انه يعنيني
الله حسيبه يوم عرض القوارير
والله حسبي / من صواب مكيني
وإلا طرالي واحد كانه اصغير
أم أصغر بيومين ولا سنيني
دريت وش قومي وعينت تفسير
للضيقة اللي من زمن تعتليني
حبه بصدري سالفة سر في بير
وكن الفواد يقول هذا زبيني
أشفق على علمٍ يجي منه من غير
لا يسمع اللي سولفوا به ونيني
يا كثرهم غيرهم ولكن خبر خير
ما غير شوفه في الوجود يهنيني
رايي كذا / يا عاشقين الغنادير
ماله على وجه البسيطه وزيني
العام أجيهم من حساب المسايير
واليوم حال عداي / وينه وويني
خطاي تعليق الأمل في المدابير
الين راح وشفت حقري بعيني
صبرٍ جميل وخابر إنه مقادير
والله على تخفيف / حزني عويني
ذي حالتي لين اتغبا الشمس واصير
معطى سراحي عقب مانا سجيني
واذا امتلى جوف الشجر بالعصافير
طلبت من رب العباد يهديني
يعتقني المذن عقب ضيقة عصير
اللي على سجن الفراق اتحديني

شاعرها\ محمد بن أفطيس المري

أخوكم\ فهد سالم غشم المحارب الجميلي

يعطيك العافية



صح لساان الشاعر

اشكرك على النقل

الله يعطيك العافيه

سلمت يمينك على النقل وبارك الله فيك على حسن الانتقاء والاختيار
وصح لسان الشاعر

صح لسان شاعر المليون

وسلمت أناملك

اشكرك على النقل الرائع



لاهنت.......

صح لساان ابن فطيس

بارك الله فيك على النقل

شاكر لمروركم الكريم المعطر للموضوع