صور طبخات بريه (اللي جوعان لايدخل)

(( مظبي كبده+ سلطة طحينة+ مظبي لحم ))








اولا المكونات

اللحمه كيلوين حليله حق 4 نفر وقطعهن مثل كذا


بسماكة الكف
ملح وملحقات نهاية الشوي (مايونيز كتشب خبز شطه وخلافة على كيفك)

فحم
حصاة مثل هالسميراء

ركز حصاتك اللي جبته

طبعا من اسمر ضلع يقابلك يما بالدوادمي ولابقعاء ولا بالمدينه وهذي مناطق الحصى الزين اللي يتحمل درجات حرارة عالية ويخزن حرارة النار ولا يبرد بسرعه.
حطلك شحيمه من الحوايا هاللون

واذا ساحت معناته حصاتك جاهزه
نبدى بالكبده والقلب والكلاوي (



رصهن على الحصية هاللون وتعاهدهن بالتقليب كل دقيقتين وقبل تستوي ترشهن بملح شوي لاتسثر ثم قلبهن ليمن تستوي هاللون.

وحطهن بحافظة احفظ للحراره والا كلوها من على الحصية

وقلبها كل 5 دقايز لمده 35 دقيقه ليمن تشقر هاللون من المفضل ان الملح يكون قبل آخر تقليبتين للحمه عشان تستوي اللحمه بسرعه.

طبعا في مال ماتستوي اللحمه وبين كل تقليبه وأخرى نجز يدك وحركها وازبط سلطة المظبي وهي كالتالي



1- نصف علبة طحينه

2- ثلث علبة لبن منزوع الدسم

3- بيالة خل صناعي
4- ليمونتين معصورات (ان حصل)
حرك الطحينه قبل تصبها بالغضاره (هاللون)

ثم صب عليه اللبن هاللون .

ثم حط بيالة الخل

وحرك ليمن يتغير لونه وتصير طلقه ثم لازم بين كل تحريكه
المهم استمر التحريك والتذوق والملاحة ليمن تغدي طلقة

بالحيل وطعمه مامثله حانطن بالحيل .وحطه بالبراد ليمن تجهز لحيمتك الي بالحصاة والا على كبوت السيارة كانك بالبر عشان مايجي واحدن ماصل ويغط اصبعوه بها وهم غطه عن الذبان .

وبالعافيه على قلوبكم

(( لحم مقلقل على الصاج ))

(( كبسة لحم هرفي )) مع (( مقلقل لحم على الصاج ))

وبالهناء والعافية

(( صاج مقلقل دجاج ))

تسـلم يمـينك عـلى النـقـل المميـز

كلك ذوووووووووووق



تسلم يالغالي على النقل الشهي اللذيذ

طبخات رهيبه .... بارك الله فيك

شـكــ وبارك الله فيك ـــرا لك ... لك مني أجمل تحية .

شغلات البر كلها روعة

شكرا لك

الله يعطيك العافية

اسمح لي يابوتركي ترى دخلت وانا جوعان

ماقدرت اتحمل.....طبخات ابوتركي غير شكل


تسلم على تميزكـ