السلام عليكم ورحمة الله وبركاته..
طابت أيامكم ولياليكم بالمسرات...
هذه وصية من الشاعر محمد بن ناصي بن عيد الجميلي
وصانا أنا نكتبها وننشرها في منتديات القبيلة...
وقال هذه القصيدة قبل ذهابه إلى دورته العسكرية بجدة...
وهو الآن في جدة في الدورة العسكرية..
و يوصي بالسلام للجميع..
وأنقلها لكم كما هي فقد نالت إعجابي...
فأرجو أن تنال إعجابكم..
لاج وسط الخفوق حزوز وازعاجي
وضاق صدري آليامن جبت طاريها
واصبح الجوف مثل الفرن وجاجي
وسالت دموع عيني من مجاريها
كل ماقام حضي جاك منعاجي
من همومن تخاويني واخاويها
كل ماقلت هانت زادت ادراجي
واقشر الحض مبعدلي حراويها
ارسلوني لجده دار الامواجي
دورتي عل ماتبطي لياليها
امر ربي ولالي عنه مخراجي
خصني بين قاصيها ودانيها
اشكرالله واسجد شكر وانعاجي
وابسط النفس له طوعن واقديها
صاملن مالحقني خوف واحراجي
ولاحسبت الخساير قبل لا جيها
جامد القلب ماني قلب مرجاجي
اطنخ الرأي من راسي واسريها
مير فرقى القلوب يعكر اخلاجي
والعيون الشقيه خوف يعميها
شيب عيني على من شوفه علاجي
عقب فرقاه حتى الروح مابيها
هو قناتي وهو عزي وهو تاجي
فدوة أبوي هالدنيا وووومافيها
وأمي اللي عليها طبع هداجي
ماشكى هم دلوه يوم يدليها
هي وجودي ومنها جيت بانتاجي
مالحقنا جزاها لوووونبديها
والله لتفرحون بحزت اخراجي
وارفع اراس لا من بان خافيها
واقهر النفس لو النفس تحتاجي
لين اخلص من الدورة واعديها
مع تحيات ابوناصي
ودمتم بخير...يا رجال الخير
:
:
: