شاعر واحب الشعر .... #خلف_المهدي

أقدم لكم هذه القصيدة لعلها تحوز على استحسانكم


شاعر واحب الشعِر لكن ما احب الظهور
مخزون فكري ثمين ونادرات درره

أذلل الكايدة لو دون الأبواب سور
وانقد ذهب وابتعد عن كثرة الثرثره

فضل من الله وربي زاد خير الشكور
وأنا أحمد الله على هالموهبة واشكره

أخشى من الشعْر لأن اللي يقوله يجور
قليل صدقه وفيه الكذب يا ما أكثره

واسكت عن اللي ليامنه نظم له سطور
جمّع ما قاله على روس الملا وانشره

اقدم على الدرب لامني نويت العبور
ما اهتم للي ليا احتجته عطاك ظهره

أحب من هو على الجزلة قوي جسور
حكيم رايٍ لا جاه أمرٍ صعيب قدره

واللي معه عشت نفس الوضع وقت الزهور
يوم النوايا من أنهار الوفاء مثمره

زرعت فيه الثقة واسديت له كل شور
جازى وفاي بجحود وكل وصل بتره

حنا بوقتٍ تزيد به الفتن والفجور
الابن ينكر أبوه ولا قدرْه انحره

زاغت قلوبٍ وعقلٍ تاه وعيون عور
الحق تنكرْه والا الشر ما تنكرَه

نفس الأوادم سمت كبْر وغشاها غرور
واصبح ذهب كل معدن خالطته صفره

ابحث عن المعدن اللي لا انجرح شع نور
عمر الحديدة ما صارت بالزمن جوهره

رجل تقوى بنفسه لو خفوقه صبور
بلا جماعة صواديف الزمن تقهره

اللب ما عاش لو ما حوطته القشور
عوامل الوقت مع طول الدهر تكسره

خيرٍ من مقابل العالم بظل القصور
إنك بدينك تعيش ولو تحت شجره


#خلف_المهدي

صح لسانك


وابيات قويه وجدله


تسلم ياابا سلطان

صح لسانكككككككككك