يا ونتي ونة طريح الملابيس ( دلول الجميلي )

هذه القصيدة للشاعر الكبير / دلول بن مطيلق الطراح الجميلي - رحمه الله -

وقد بحثت عن القصيدة وحصلت على هذه الأبيات وتم تدوينها في الموقع الرسمي للقبيلة

ومن لديه إضافة فليكرمنا بها مشكورا مأجورا

ياراكب من فوق ناب النسانيس
مربع من طيحة الوسم بالراس

قولوا ربيعٍ دارهم يالعواسيس
حتى تقرب هجرة الناس للناس

إن جت نجوم الليل مثل المقابيس
والا الركايب ضمّرٍ مثل الأقواس

عسى الحيا يسقي مردة مديسيس
اللي شرب من ماه مدقوق الألعاس

ياونتي ونة طريح الملابيس
أهل الدروع اللي زهوا لبس الأطياس

من واحدٍ بالقلب حط الهواجيس
بين الرجا لاما الحبيّب والإياس

تونيس ماعقب أريش العين تونيس
ولا ونساً عن ونسته كثر الأوناس

مثل القمر يضوي بظلما وهي خيس
وإلا الثريا ظاهره وقت الأدماس

الجوخ ما وازن قطع الهداريس
وصافى الذهب ما وازنه بارد الحاس

نظيفٍ أنظف من قطع القراطيس
ما داوروه اللي يدورون الادناس

قصيدة يرددها الجميع

شكرا لك

قصيده معروفه ومشهوره



لشاعر مشهور رحمه الله

الجوخ مـاوازن قطـع الهداريـس
وصافى الذهب ماوازنه بارد الحاس

الله يرحم الشاعر دلول المضياني

رحم الله الشاعر دلول وسلمت يداك

الله يرحم دلول الجميلي

شاعر معروف وجزل




سعد لاهنت ولاعدمناك

وشكرا على جلب الدرر المنتقاة من التاريخ ..

[align=center]
بـآرٍك الـآـه فـيك
[/align]