آخر 10 مشاركات
قصيدة خالد حامد غشم خليف المحارب /ياما جلسو في ربعته ناسٍ كرام (الكاتـب : - )           »          قصيدة خالد حامد غشم خليف المحارب /اصبر واثابر ساعة الضيق بفراج (الكاتـب : - )           »          قصيدة خالد حامد غشم خليف المحارب :اكتب الشعر باالمعنى واحله واشده (الكاتـب : - )           »          فصيدة خالد حامد غشم الجميلي /كم واحد بيته الناس مدهول (الكاتـب : - )           »          قصيدة خالد حامد غشم الجميلي معاد تشرف على القاره (الكاتـب : - )           »          خالد حامد الغشم قيصدة راح يترقا كن ماكرهه باالغيم (الكاتـب : - )           »          خالد حامد الغشم قصيدة لاعاد تشرف على القاره (الكاتـب : - )           »          تغطية زواج محمد مهدي الجميلي (الكاتـب : - )           »          الهياط اللي على الفاضي (الكاتـب : - آخر مشاركة : - )           »          جديدي (الكاتـب : - آخر مشاركة : - )

تعتبر شبكة وملتقى ومجالس قبيلة الجميل الهلالية الموقع الأول على الشبكة العنكبوتية الذي يهتم بكل مايخدم قبيلة الجميل ( عشائر جُميلة ) ويدون تاريخها وأبرز إنجازات أبناء هذه القبيلة .. إذ يهتم الموقع بـ تاريخ قبيلة الجميل وشيوخها وفرسانها وأبرز أعلامها .. ويطرح بإستمرار كل ماهو جديد ونادر عن إنجازات أبناء القبيلة .. وإدارة شبكة وملتقى ومجالس قبيلة الجميل تسعد بتواصل الجميع والمساهمة في خدمة هذه القبيلة العريقة كلمة الإدارة


;كتاب الفيزياء مسائل وحلول



الإهداءات

إنشاء موضوع جديد  إضافة رد
 
أدوات الموضوع انواع عرض الموضوع
قديم منذ /09-06-2015   #1

 
مشرف قروب شعراء ومنشدي قبيلة الجميل
ومشرف ديوان الشاعر سعد مسيعيد بن حفر

الصورة الرمزية عافت الأميّر

 

عافت الأميّر غير متواجد حالياً

 رقم العضوية : 10235
 تاريخ التسجيل : Jun 2015
 المشاركات : 48
 النقاط : عافت الأميّر will become famous soon enough
 تقييم المستوى : 117

مزاجي
رايق
افتراضي الفية الشاعر سعد بن مسيعيد الحفر

بسم الله الرحمن الرحيم
هذه الالفيه للشاعر / سعد مسيعيد خلف الحفر الجميلي

ألفٍ أولف بالحشا كل مكنون
أفضيت من جاشي تماثيل ولحون
مثايلٍ فيها أهل العرف تهتال
متبيّنٍ معناه للي يعرفون
تسمّعوا للقيل ياللي توحّون
نصيحةٍ قيلي وتوضيع وفنون
والحق نمشي له على كل الأحوال
وأنا لراع الحق خادم وممنون

الباء بعيني شفت بالوقت غيرات
وقتٍ تقلب بين لذه وحسرات
وإلا الليالي فيها عدلٍ و عسرات
والمشتكى للي له الخلق يرجون

اللي تعلّى فوق سبع السموات
عالم جميع البيّنه و الخفيّات
نرجيك يوم البعث يا محي الأموات
تغفر خطايا اللي لوجهك يصلون

والتاء ترى حكي القفا به عذاريب
حكي النمايم وأنت ما تعلم الغيب
ومثوّر الفتنات بين الأصاحيب
هذاك مذكورٍ من الناس ملعون
بعض العرب لوطبت به يجحدالطيب
يشناك لو تعطيه من غير تحسيب
لا قفيت قام يشذّبك بالمخاليب
ضارٍ على الطلبه وبالناس مفتون

والثاء ثلاث أشكال فيهن ماجوب
تليينة الجانب لمبغض ومحبوب
وعبادة المعبود صر فيه منيوب
لا تاخذ الدنيا تغابين وحزون
ترى الأجل مكتوب والرزق مكتوب
والشر له في كل الاسباب مندوب
وهرج النميمه لا تشيله على صوب
راع النمايم حالته دون في دون

والجيم جبت القيل به كل مفلاج
واحذّر اهل العرف عن كل مغّاج
واللي اليا سمعوا باالا ضوال لجلاج
اليا اشتد حبلك باللوازم يصدون
لا تبدي أسرارك على كل هرّاج
أعنز على الطيّب اليا صرت محتاج
لابد ما الشده تجي عقبها افراج
والرزق عند مدبّر العرش مضمون


والحاء حلات العمر خمسٍ تماما
خمسٍ صلواته وفرض القياما
وصوم رمضان وحج بيت الحراما
وعبادة المعبود في كل قانون
الله هو المعبود رب الأناما
علاّم غيب الوقت في كل عاما
أسجد لوجهه وأشكره بالكلاما
حيثه غفور لمن لعفوه يتوبون

والخاء خطاة الهرج لو أنت مزّاح
تكبر به البلوى ولا يفيد الأصلاح
والشر له فقل و للقفل مفتاح
وكانك دريت أعرف ترى الناس يدرون
خل البلاوي عنك لا صرت مرتاح
ترى الهدايه نور والنّور وضّاح
واخشوا نهارٍ تجتمع فيه الارواح
وانتم ترى فيما عملتوا تجازون

والدال دنيانا تغيّر هواها
ما ينعرف وش وجهها من قفاها
أسباعها قامت تدقّم لحاها
ذيبه أمجيعٍ والثعالب يعيشون
أن دبّرت لا تعتبر في شقاها
غير الولي محدٍ يلين قساها
وأن أقبلت لك ما يحسّب عطاها
حضك يقوم وله سعودٍ يقومون

والذال ذب الحق لأهله ليا جوك
لو هو على والدك وإلا على أخوك
واتبع طريق اللي على الحق مشّوك
ليا صار هم مثلك على الحق يمشون
الظلم يودع باب الأرزاق مصكوك
ما قيل راع الظلم ينجح من الصوك
مأواه نارٍ ما بها ريب وشكوك
ومسكنه في وادٍ من الويل مسكون

والراء ربيع النفس قل الهمومي
نوبٍ أستريح وتقبل العين نومي
وأنسى جميع اللي مضى من غمومي
وارتاح وانسى كل هوجاس وغبون
خلك على عسر الليالي جزومي
ولا ترى عمر الفتى ما يدومي
مير اسمعوا يا عارفين السلومي
ما يدرك الطولات من يتبع الهون



والزاء زمانك يا فتى من نصيبك
نوبٍ عليك ونوب ياطى صحيبك
ما دبّر المعبود لازم يصيبك
وهذي سوات الوقت من دور هارون
أصبر ولا تفضي على الناس عيبك
ماحدٍ مثل ردت يمينك لجيبك
أن كان مابه لون وش ينبغي بك
يميل بك ميل الدهر وأنت ممهون

والسين سيست المثل وابدع القيل
وأفصّل القيفان بالقلب تفصيل
بس اتفّخر به على كل تاويل
من كوكبٍ من بين الأضلاع مخزون
مني نصيحه قلتها بالتماثيل
نصيحةٍ ما فيه زله ولا ميل
كمّلتها للي يعرفون تكميل
يمكن اليا أوحوا فادتي يستطيعون

والشين شيل الكبر مابه طماعه
عيبٍ على من ينقل الكبر ساعه
ملزومٍ تكره طينته يا جماعه
لازم تخالف به روايات وظنون
عليك بالتقوى ودرب المطاعه
وهداية الرحمن وأمش الوقاعه
لا تنقطع من رحمته والشفاعه
والله خبير بصر فيما تعملون

والصاد صبرٍ نصبره باللذي صاب
نصبر على زلة رخيصين واصحاب
بالحق نصبر لو على قطع الارقاب
والله يعين اللي على الصبر يقوون
والا بغيضك لو صفى لك ولو طاب
بالك تقول انه عن اللي مضى تاب
تراه لو انه ضحك لك بلأنياب
قلبه حزينٍ من غليله ومطعون

والضا ضيفك حشّمه وأكرم الجار
واعرف ترى للضيف عند العرب كار
وأحشم قصيرك لا تورّيه الانكار
لابد ماأنتم عن بعضكم أتقفون
بالواجبه خلك على العسر صبّار
بالك تصير بواجب الحق بوّار
أصبر ودورات الليالي لها دوار
كم واحدينٍ للمشاكل يحلّون



والطا طلع مني كلامٍ مشاريع
مسنعٍ معناه بالقلب تسنيع
للناس وإلا مالنا به منافيع
نصيحةٍ منها العرب يستفيدون
يا سامعٍ قيلي ترى به تواضيع
بالك تجي لبليس مرسال ومطيع
أرجم عدو الله بسبع التسابيع
وابليس عند الله جنوده يخسرون

والظا ظنونٍ في قفى الغافليني
تراه ذنب ونار يالمسلميني
لا تورد الشكّه وهم سالميني
تحمّل السيه وهم منه ينجون
لصار ماعندك ثبات ويقيني
لاتورد الشكّه على كل حيني
أصبر ولابد المخفّى يبيني
والنور يظهر وأهل البطل يطفون

والعين عند الله تدابير الأحوال
نارٍ وجنّاتٍ بها فيّ وظلال
والمصلحه والفايده بطيب الاعمال
واللي مشوا في طاعته مايخيبون
أمك وأبوك أصخر لهم واسمح البال
خلك على زلات والدك حمّال
تراه قلبه لينٍ لك ولو عال
ألّيا اخذت يومٍ مونسٍ مايباتون

والغين غيب الوقت ما يندرى فيه
سبحان من يعلم بخافي لياليه
المعتلي تدّبار الأفلاك بيديه
يعلم بخافيكم وما كان تبدون
الحق ضمّه واحفضه لا تخلّيه
أحرص على حقك وقم في معانيه
واترك حقوق الناس واتبع قواديه
بالك تعيل وعاند اللي يعيلون

والفاء فعول الخير تحمد فعوله
واول فعول الخير سنّة رسوله
نهيٍ عن المنكر وطع مايقوله
وأدو زكاة المال حذرى تغفلون
والمرجله ماكل واحد ينوله
أحدٍ على عانيه تكثر زعوله
واحدٍ ليا من الجماعه عنوله
يفرح ويعطيهم على مايريدون



والقاف قمت العب على كل مالاق
لقيت بعد الفرق من بين الأخلاق
أحدٍ ورى الشوفه على الطيب وثّاق
وإلا أحدٍ وقت اللوازم يلوذون
بعض العرب قربه تبيعه بالأفراق
خبيث نيّاتٍ للاصحاب درّاق
وأحدٍ ليا جيته له البال يشتاق
من قربته كل العرب ما يملون

والكاف كلّفت المثل زين الالحان
قلته وانا في بدع الأمثال شفقان
ذكرت بالقيفان من كل الألوان
شرحٍ طويل وكل معناه مازون
معناه بيّن مثل نورٍ اليا بان
يبين للعارف على كل ميحان
وإلا ترى بعض المخاليق حيوان
جهّال عن بعض المعاني يغرّون

واللام لم الحكي قولٍ وما قيل
قولٍ يجيبونه خطاة الرجاجيل
خطو السوالف من كبار النشابيل
وكم واحدٍ يظلم وهو قبل مصيون
أليا صار مالك بالسوالف مداخيل
بالك تجي من عرض ناسٍ مهابيل
ذمّامةٍ فيهم على الحكم تنفيل
للشر فطنين وللخير ينسون

والميم مدام ان ربك معافيك
يالعبد لا تطغى ونفسك تغيويك
أن طعت نفسك بالتهاليك ترميك
تصبح بها يا طالب الدين مديون
لا تحسب ان الرب يالعبد ناسيك
مادبّر المعبود ملزوم ياتيك
والموت لابدّه قريب يلاغيك
تقعد بظلمه والجماعه يغيبون

والنون نعمٍ بالرجال الشريفين
أهل الصخا والمرجله واهل الدين
واللي بحزّات المواجيب صعبين
نطّاحةٍ للكايده مايهابون
يا كثر صدقان الرخا والمحبين
صدقان لكن باللوازم قليلين
عند الفراغه قلت مامثلهم شين
تخون صدقان الرخا مايدومون


والهاء هني اللي مريّحٍ بدنياه
ما ذاق مر الوقت والعسر ما جاه
مستانسٍ يلعب على كل مشهاه
مادك في قلبه هواجيس وشطون
العبد ماله عن تدابير مولاه
أحدٍ على الطاعات والخير مشّاه
وأحدٍ عطاه من الشقى لين عنّاه
مشقيه عن دينه بدنياه مشحون

والواء ود النفس في كل ما تريد
المال مشهاته وزام النواهيد
والعافيه والستر يارب يا سيد
من سترك الضافي عن الشر مامون
الناس فيهم مسلمين ومقاريد
وإلا الردي بساعة الضيق ما يفيد
أليا جا نهارٍ فيه شرٍ وتنكيد
ما ينفعونك لو حكوا ما يتمّون

والياء يا عل أهل الشّرف والحميّات
أحوالهم دب الليالي عزيزات
وأهل الديانه والنفوس اللذيذات
يعلهم دب الدهر ما يضيعون
واللي فعوله بالشجاعه قديمات
وسيع شوفه له على الطيب عادات
حلحيل نطّاح الحمول الثقيلات
يوم الشرف عنه المعافن يعجزون



الفية الشاعر/ سعد بن مسيعيد الحفر الجميلي








توقيع »
  رد مع اقتباس
إنشاء موضوع جديد  إضافة رد

الكلمات الدلالية (Tags)
الالفية, الجميلي, ابن حفر, سعد المسيعيد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
رد الشاعر سعد الملا الرحيلي عل لغز الشاعر سعد مسيعيد الحفر عافت الأميّر الشاعر سعد بن مسيعيد بن حفر الجميلي 0 09-06-2015 09:36 PM
مرثيه بالمرحومين /. فهيد الباطح و قطيفان و مسيعيد الحفر عافت الأميّر الشاعر سعد بن مسيعيد بن حفر الجميلي 0 09-06-2015 08:37 PM
الشاعر / معطاب مسيعيد الحفر الجميلي ، قصيدة مهدي وعيد السليمان محسن الجميلي الشاعر معطاب بن مسيعيد بن حفر الجميلي 14 17-01-2011 09:24 PM

facebook twetter youtube
Google
 
ملتقى ومجالس قبيلة الجميل

الساعة الآن 02:30 PM.


Powered by vBulletin® Version 3.8.6
Copyright ©2000 - 2024, Jelsoft Enterprises Ltd. TranZ By World 4Arab
Ads Management Version 3.0.1 by Saeed Al-Atwi
حقوق النشر محفوظة لملتقى ومجالس قبيلة الجميل الهلالية( الموقع الرسمي )