الشاعر : عبدالعزيز المحارب
الآدمي في دنيته هو وضميره
هي نفسه اللي تنفعه أو تضره
العمر فاني والليالي قصيره
تبي تعيش ايام حلوة ومره
الطيب اللي تذكر الناس خيره
والاجودي من كف خيره وشره
كرام الوجيه ولا وجيهٍ حقيره
تكرم عن وجيه الردى الف مره
وبعض الاوادم شرها مستطيره
وجيه قشرا فوق ذلك تشره
خاب الردي وشوفته هالقصيره
بيت الردي بالك تجيه وتمره
واللي يسولف بالخلايق مصيره
لابد يسمع كلمةٍ ما تسره
وفيه الرخوم اللي مره هي تديره
وجهت مساره لا تغير تفره
روحه وجيه نومته في سريره
يمشي بامرها وان تكلم تزره
وما كل رجلٍ في أمورك تشيره
الحر حر وشوفته ما تغره
ومن يتهاون بالذنوب الصغيره
ترى الصغيره للكباير تجره
وتبا السعاده والحياة البصيرة
وتعيش فيها بالهنا والمسره
الوالدين الاوله والاخيره
شرف غلاهم بالحنايا مقره
أبوك وامك لا تهاون كبيره
واجب كلاهم في حياته تبره
أحوالنا يالله عساها ستيره
يا عالم أحوال الفلك والمجره
وعسى يا ربي ما كرهناه خيره
تفنى الحياة وفرصة العمر مره
آخر 10 مشاركات
الإهداءات
منذ /11-07-2015
العمر فاني والليالي قصيرة ~ الشاعر : عبدالعزيز المحارب
العرض الشجري