ردية بين الشاعرين ناصر الخليفة وحسين السعدون

هذه القصيدة من الشاعر/ ناصر محمد الخليفة الجميلي
يسندها للشاعر/ حسين بن سعدون النصافي
تحتوي على حكم ونصائح مهمة لا تنبع إلا من رجل مارس الحياة وقساوتها ... ونترككم مع هذه الرائعة للشاعر أبو عبدالله


[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يـا عـاذلين القلـب لا بـاس لا بـاس = نـصـائـح ٍ مثـل الجمر في ضلـوعي
تلعب بـي الأفكـار والبـال منحـاس = وسكّـرت عن كل النصـائح سمـوعي
قلب العنـا جـازم ومنوي وحساس = ودرب المراجـل ما قصر عنه بوعـي
في ضل مولى الخلق عن كل عوكاس = ولهـاب درب الخـوف قلبي بتوعـي
سبحت بحـرٍ فيه مـاكر و بـلاّس = تصـادم أمواجـه وشوفـه يروعـي
لقيـت في موجـه خبيثيـن وأنجـاس = سـود القلـوب ونوعهم غير نوعـي
أنشـد وتلقى العلم مع طارف النـاس = عـزيز وطبوع الشهـامة طبوعـي
لا صـار ما علم الفتى يرفع الـراس = خسـران من ينثـر علية الدموعـي
وبيت الشـرف من راس مبناه لسّـاس = نـورة يبين بصـافيـات الشموعـي
الذيب ذيب وعادته يمـرس مـراس = ورزقه بحـد الخوف مامات جوعـي
لمحة بصر ليـلة دجى عقب الأدمـاس = تلقـى تـوالي صيدتـه بالفروعـي
من صـاحب الأنذال يقنع بالأفـلاس = لصـار قلبـه للمـذلة خضوعـي
ودرب المراجـل عـز والعز نومـاس = تشكي الجبال الراسيـات الصدوعـي
أفضيت ما في خاطـري وأنت قرنـاس = يا حسين بن سعدون من نـام يوعـي
اليـا ذعذع الغربي بذعـاذيع نسنـاس = الذيب يفـرس والثعـالب تسوعـي
وقت ٍرمـى بالتبـعي قبـل جسـّاس = عقب ٍغـدربكليب سبـع السبوعـي
كلن يبي يركض ويتعب على الكـاس = أحـد ٍنـزل وأحـد ٍيحب الطلوعـي
ولا يبين فك ٍ بدون نيـبان وأضـراس = والتبْع تبـع ٍ من عيـال التبـوعـي
وصـلاة ربي عـد حبـر ٍ بقرطـاس = وعـد النجوم الساريـات اللموعـي
على نبـي ٍ مـا دخـل فيه وسـواس = المصطفى الصادق صـدوق ٍ شفوعـي
[/poem]

وهذا رد الشاعر/ حسين بن سعدون النصافي

وهو رد الشاعر المتمكن والمعروف بأسلوبه الراقي وشعره القوي .... نترككم مع هذه القصيدة الردية المتألقة


[poem=font=",6,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] مبـداي باللي كافـل ٍ كل الأجنـاس = مـده ولا مـد البخيـل البشوعـي
فيه الرجـاء عقب الشدايـد والأبـاس = أرجيـه بالتكبـير قبـل الركوعـي
ذا قـول من له مع هل العرف مجـلاس = من ليـلة الجمـعة بعـد السبوعـي
سر يا قلم وأكتب على فكر وأحسـاس = وليـا قطـفت أقطف ورود الزروعـي
ابـن خليفة حس بالصـدر هوجـاس = عكّـر مزاجـه من كلام الربوعـي
والـوقت قـاسي والمعاليـق يبـّاس = يصـارع الدنيـا لجمـع المتوعـي
نفسه عزيـزة ما وطئ درب الأدنـاس = قـاسي مع القاسي وبالحق طوعـي
وقت اللزوم إن صـار للحبل مسـّاس = يفرح بـه المحتـاج مـا هو قطوعـي
وأنـا على ظنـه وللسـد حبـّاس = ما طعت به هرجـة حسود ٍ خدوعـي
لا صـار ما للبـاب قفل ٍ وحـرّاس = يصـير عرضـه للسـروق الندوعـي
أحذر من الصاحب ترى العرق دسـاس = الغصـن يـابس والحيـا بالجذوعـي
للخـيـر منـّاع وللشـر مقبـاس = دايـم على الغفـلات كلب ٍ دنوعـي
راع الغلط لا ضيـّع الدرب وأحتـاس = بعد السفر يصعب عليـه الرجوعـي
من لا عرف قدره على الرجل ينـداس = عيـده بيـوم السبت قبـل الربوعـي
عليـك باللـي للمواجيـب دبـّاس = اللي مع الصـاحب غيـور ٍجزوعـي
للهيـل فنجـال ٍ وللـبن محمـاس = وللحرب شجعان تصـد الجموعـي
عنـد الشدايد ترجع أخماس وأسـداس = تبهـر الـدلـه بليـا قـدوعـي
يـاللي مشيت بساحـة الشعر بقيـاس = وأنـا خويـك بالبـلد والقطوعـي
وليـا طرت لك حاجة ٍ عقب مـرواس = برض ٍ خليه مـا تشـوف المدوعـي
أشتر ذهب وأصرف ذهب وأذخر الماس = لاشفـت مجـلاسي علىراس كوعـي
لـو أن عنـدك خزنة الروم بكيـاس = أنـا على جـبر الخـواطر قنـوعـي
وختـامهـا بـاللي له الحق نـبراس = اللي على دينـه سجدنـا خشوعـي
[/poem]

قصائد من اجمل القصائد التي سمعت
شاعرين متمكنين من شعرهم نأمل منهم التواصل وامتاعنا بجديدهم

تسلم يابو سلطان على النقل

تسلم يابو سلطان على النقل</i>

قصائد من اجمل القصائد التي سمعت
شاعرين متمكنين من شعرهم نأمل منهم التواصل وامتاعنا بجديدهم

تسلم يابو سلطان على النقل

</i>

صح لسان الشاعرين

وتسلم يابوسلطان على نقلك

صح لسان الشاعر وتسلم يمينك


على النقـــــل المميز

بارك الله بك أخي العزيز الاستاذ / خلف المهدي على هذا النقل الجميل والمميز
شكرا لك على هذه الجهود الوافرة