النصيحه

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
امس الضحى عديت لي راس مرقب=عديت به والعين يجري سكيبها
واميز اللي بان لي يوم جيته=واقول وين اللي نما من عريبها
رجلن بلا ربعن قليلن حصيله=يصبح مريضن مايفيده طبيبها
ورجلن بربعه ماشكى الضيم للملا=كنه بعيطا عالين في رقيبها
ياكثر ماكنت من الهم مهجتي=واقول قولن يطلع الراس شيبها
الليا ردت نفس الفتى عابت الفتى=يوم الولي ربي عليها حسيبها
من عاش في عز ونفس قانعه=القل بالدنيا تراء مايعيبها
ماعيب كود العيب بالذل والردى=والا الرجال تعيش معاش ذيبها
الليا متى ترجع علينا اعقولنا=ونميز الصايب على من يصيبها
نرجع على ماقال راع الربابه=القوس مايلعب ياكود بسبيبها
هذا كلامن لرجال الفهيمه=تكاتفو والناس ينشاف طيبها
يالله يالرحمن ياسامع الدعاء =ياسامعن حس النمال ودبيبها
للعل تجمع شمل من كان غادي=اللي سرا في وادين من شعيبها
لاشفت جمع الناس ياكبر بلوتي=مصيبه ياكبرها من مصيبها
فات الزمان ولابقى كثر مامضى=وكبار قومن مارحمها شبيبها
وين الرجال اللي تحامي لقومها=لقال في كلمة بدا مايعيبها
ترا الرجال الراي والراي صايب=لا صار مسند رايها ترتكيبها
هذا نصيحه كان تقبل نصيحتي=للي دراء واللي بعد مادريبها
اقولها وانا وحيد برايي=لعل شكي مايفارق لريبها
يامل عينن حاربت لذت الكرى=من فوق خدي جاريات صبيبها
لاقلت ياعين الشقى كفي الشقى=تشوف بالدنيا اجروحن تصيبها
ولا قلت يانفس العنى خلي العنى=تقول سرحي مايلايم عزيبها
اشكي على رب الملا يجمع الملا=يجمع اقلوب اللي تفرق نصيبها
وين الرجال اللي لهم وقفت الشرف=هذا يوديها وهذا يجيبها
لاعاد ماشرب الفتى من يمينه=لا خير في يمنا سقاهاصحيبها
ولا عاد مايمشي بعزن وهيبه=مايقضي الديان دين اللطليبها
ان كان ماعندك مع الوقت قدره=الصمت يجذب جمها من قليبها
اختم تماثيلي صلاة على النبي=اللي دروبه كلنا نهتديبها
[/poem]