نحمد الله في سلامتك ياعنق الفريد
ياشبيه الريم يا الغاليه واللي بعد
يارزين العقل والحسن ياشيك الرصيد
يا ذهب ياالماس والولوه واللي نعد
وعسى ربي يحرسك من الشر وبعيد
انتي الموكب له الجيش دوم مستعد
طلتك عندي من سنين كنه يوم عيد
انتظرها مثل حلف ودينن باالوعد
ياغلا روحي وامسكنك في حبل الوريد
انتي الشريان في دورة الدم وصعد
يانظر عيني من الناس ياعذب القصيد
ياطوارف ليلي اللي سرى برق ورعد
يا جمال الكون في عيني الله لي شهيد
يا نجوم الليل وشموع والحض السعد
يا ملاك الوصل والاصل والعلم الاكيد
ياالورود النرجسية زهور ن للبلد
خالد الحامد الجميلي