انت الفخر والعز والنوماس
كان المواقف تعتزي برجاله
عميد قوم وترفعون الراس
والطيبه لك مرقبن يرقالها
قد قلتها بك يا ????? لناس
كسب المراجل دايمن تسعالها
زيزوم قوم وماكر القرناس
ريف الضعيف اليا ناصك وجاله
شوق النجر والبن والمحماس
والهيل من يمناك صب دلالها
وريث عودا لاصخا نبراس
كل المواقف طيب لك فالها
من طيب ساسك ياعريب الساس
حتى المكارم رفعن منزالها
الشاذليه، ، . . قندة .. بقياس
شرابها واسوق لك فنجالها
حبكي كتبته من صميم الراس
بدع المعاني صادقن من قالها
وانا ولد من كان له مجلاس
ديوان بيته للعرب مدهالها
كان المشاكل غلضة تنحاس
الطيب من يمناه ذب عقالها
ذيبن تعشي في دجا الخرماس
مهمه اللي واقفن يبرالها
الشاعر خالد حامد