يراكب اللي من الميناء باتامينه
توه وكاله على الزيكات نيسانه
مكفول بالجمركه باالنقد شارينه
لادق سلفه يجاوب قز شكمانه
مصدره للمعارض شيك تموينه
ماحل قصده على المطلوب ديانه
ما حصله بالكفاله سجل بدينه
مبتاعبه با المارابح باغي فلانه
مجيكه. با التوانك فل. بنزينه
ناوي عليه الحفر وفياض جيلانه
محركاته مع الليت وطبالينه
غيوم مزن تبارق طار ربانه
الصبح من دار اخوسلمى ونا وينه
مايقف الا على بيته وعربانه
ننصى دياره بعيد الدرب ماشينه
من فوق من يقطع البيدا وشعبانه
كم قلتها في سعد من ماضي سنيه
راعي مواقيف والمعروف في شانه
اليا نصيته يشيل الحمل في حينه
ابوه. قبله له الناموس. برهانه
جده صويلح وتشهد له دواوينه
من قوم بذال والتاريخ ديوانه
مقدم عرب كان ثار بها براكينه
يشيل حمل ثقل ماتصغر. اطنانه
زبن الجلاوي وكل الناس حادينه
ريف النشاما وعز الجار عنوانه
ياطير شلوى لك المعروف مثنينه
يامجد يا عالي القمه. وترسانه
لجلك حبكت القصيد وزان تلحينه
من شاعر من بحور الشعر قيفانه
تشوم نفسي عن المقفين ياشينه
اليا حدتني. هواجيسي وطنيانه
يفز. قلبي على الماضي ومطرينه
يالوع روحي كما الورقا وعطشانه
لازجت الصوت والمارد مقضينه
قامت تهف الهبوب بريش جنحانه
وختامها بقفل المعني وتنوينه
على الذي يرزق المخلوق سبحانه
-----------------------/-----------/-----------------
بقلم ش --- خالد حامد غشم المحارب الجميلي
اهدا الي الصديق الغالي ? ابو عبد الله??
سعد بريكان صويلح البذالي