كل الطرق قالوا بروما تواجه للشاعر زايد المري

بسم الله الرحمن الرحيم ...

السلام عليكم ورحمة الله وبركاته ..

كيف حالكم جميعا ... هذي القصيده للشاعر المبدع زايد المري ..
وهي تحمل حكم كثيييره ..
وإليكم القصيده ..
--------------------------------------------------------------

كل الطرق قالوا بروما تواجه
مقولة(ن) يهرج بها كل هراج

نهاية الانسان واخر مداجه
معروفة(ن) مهما على الشاسعه داج

ياتي لها طوع(ن) بليا مزاجه
لو كان باقصى الشرق او غرب قرطاج

بيت(ن) صغير والعمل به سراجه
وعزي لمن لا جهز لبيته سراج

ولا بأمور الدين يبني سياجه
فأنا اشهد انه مابنا حصن وسياج

كل الشجر يعرف ويعرف انتاجه
والفرق في التفضيل في نوع الانتاج

من زلها الصافي شرب من هماجه
حتى ولو يارد على عين هداج

واللي يبي يلبس من الطيب تاجه
يفعل ويفعل لين يستاهل التاج

والحاقد اللي في هروجه عواجه
قلبه سواد وسنه ابيض من العاج

لو حاول يناجيك بالصد ناجه
مالك ومال اللي للأعراض لعاج

نزه جنابك عن هروج السذاجه
حذرا تجاريب الحكي كل سذاج

ولاجاك محتاج يبي منك حاجه
فاعلم تراك لرحمة الله محتاج

اما عطه ولا تجنب احراجه
عذر(ن) كريم ولاعطى من وحراج

واللي بوجه الضيف يعقد حجاجه
عده فقير(ن) لو ملك ذيك الأبراج

والرجل يعرف مدخله من خراجه
من قبل لا يدخل له يسوس مخراج

والحر عمره مايعود دجاجه
وفالمد جنه ما والله يعيش سهاج

لهبت رياح الجفا بالعجاجه
فل الجناح وفي رفوف السما راج

وابعد عن الحقران واهل اللجاجه
الله ولا سكنن بها يصدر زعاج

وعيش الرجل بالعز رغم احتياجه
أخير من ذل بمرمر وديباج

والطرق فعلا بالنهايه تواجه
لو كنت باقصى الغرب او شرق قرطاج

تقبلوا تحياتي وتقديري ..
منقول لان بها من الحكم الكثير

وابعد عن الحقران واهل اللجاجه
الله ولا سكنن بها يصدر زعاج

صح لسان الشاعر زايد المري

ومشكور على النقل

حياك الله عزيزي

يعطيك العافية على النقل

صح لسان الشاعر وسلمت يمين الناقل........ اختيار موفق وفقك الله

قصيدة في قمة الروعة

بارك الله فيك

اشكر لكم هذا المرورر متمنيا لكم امتع الاوقاااااااات

بسم الله الرحمن الرحيم

السلام عليكم ورحمة الله وبركاته



نهاية الانسان واخر مداجه
معروفة(ن) مهما على الشاسعه داج


ياتي لها طوع(ن) بليا مزاجه
لو كان باقصى الشرق او غرب قرطاج

صح لسان شاعرهااا
وسلمت يداا ناقلهااا

دمت بود


تحيتي