قصيدتي بحفل الجميل

بسم الله الرحمن الرحيم

هذه القصيده القيتها في حفل قبيلة الجميل بمناسبة تنصيب الشيخ فلاح بن شرشاب الغنيم شيخا لقبيلة الجميل خلفا لوالده
اتمنى ان تنال على اعجابكم ...

حــان القصيد وبدع الامثال بابديه
...................باختار من جزله وشتى صنوفه

اجزل بيوت الشعر واسمى معانيه.
.................وافصح كلام المدح وابهى حروفه

من شـــاعرٍ لا قـــام يبــني قــــوافيه
.................يطرب لها السامع ويحفظه جوفه

لاجاء الصحيح الشعر نرقى معاليه
......................بذروة سنامه مارجعنا ردوفه

ماهو كلام اليوم من عصر ماضيه
.........................حنا هله حنا فتحنا ظروفه

من جـــدنا الزحـــاف لليوم نمشيه
........................متوارثينه في يدينا سيوفه

ســـلام ياشـــيخٍ لــــفيـــته باهِـنــيه
.................الشيخ ابن شرشاب طيبه يحوفه

شيخ الجميل اللي رقى راس عاليه
.......................ومن خلفه اللابه تقدر وقوفه

اللي لـــهم بالمــجد عالي مبانيه
.......................افعالهم عند الجميع معروفه

يسعى لراس المجد طالت يمانيه
......................سور القبيله قام نظم صفوفه

شال الحمل ثم ارتكى بعد راعيه
.......................الحمل يبرك له تشيله كتوفه

يســـتاهله مـــتوارثه من مـــجانيه
......................ورثٍ قديم اواضحاتٍ كشوفه

وغـــير الوراثه طيــبات مســــاعيه
.........................رجلٍ كريم الطيبه ماتطوفه

ابوه قبله طـــيب المــــدح زاهــــيه
.....................شيخٍ عليه من النداوي وصوفه

عـــليه من طـــبعه ويشــبه مواريه
......................حرٍ على الجزلات تندى كفوفه

شـــيخٍ على ربـــعه وكلٍ درا فـــيه
.....................من ماضي الاوقات كلٍ يشوفه

ابو فـــلاح وكل من جـــاه ناصيه
.........................الحمل يبرك له تشيله كتوفه

كلٍ يقول ونـــعم لاجــيب طـــاريه
..........................شيخٍ كريم ولاتذمه ضيوفه

يضحك حجاجه لالفوا له عوانيه
....................يذبحك لك الحايل ويلحق خروفه

للمـــرجله دايم يعني خـــطاويه
..................ويسعى لدرب الطيب لو هو كلوفه

هذا وانا من لابة الطيب تشريه
.......................من لابة البناق وصلت سقوفه

اللي لهم وقفه لياصاح داعيه
.....................مثل السحاب اللي تبارق قنوفه

الطيب يبقى دوم لو مات راعيه
....................والا العفن لو مات ماهو حسوفه

واخر كلامي دعوةٍ لي بتاليه
...........................يارب ترحمنا بيوم النكوفه
.