الرجال اشباه والفرق في لفض الكلام
والنواقص زادة الطين بلة ميّها
اكثر الجمهور منهم يدقون اللثام
واعرف اللي ياشرب العد من ماضيّها
ان حكالك كنه ارقاك من فوق السنام
كنه اللي معطي الناس قدر الحيّها
كان جاك بغلطته سابقه قبل السلام
يالله انك تقلعه قبل دق رحيّها
لو يزورك في محلك بيلحقك الملام
بايحِ في سر الاجواد مع خافيّها
كنه اللي مكذب الحلم في وقت المنام
ان مدحته جاك بالشين مع ملويّها
ودك ان الارض تجفاه من بعد الظلام
خلقتِ تاكل لحوم البشر مع نيّها
لووصفت الطيب لناس والربع الحشام
فيهم اللي يارد العد ماه وطيّها
يروي الظميان والذود لاحل اصتدام
كان جار الوقت والحبل شد رشيّها
ان نخيته بيض الوجه في كل احترام
تعرف انه بالمواقيف يلقى دليّها
منهم اللي يكرم الضيف بالوصف التمام
ماخذ من طيب حاتم فعول زيّها
بقلم (ش)--- خالد حامد غشم الجميلي