راكب اللي يسرد الدرب والمسرى يلوفه
وارد اليبان لكسز من النوع الجديد
لاركبته كاتم الصوت من جدة بلوفه
كن قزه معطي اللحن في عزف النشيد
مشتريه الازمه يوم تبدي له ظروفه
مابخل صر الدراهم على غلي الحديد
طير شلوى للمراجل على الناس معروفه
كاسبن من جملة الطيب يملك له رصيد
اسمه النادر على الطيب بالعين وتشوفه
لوكتبت الشعر وابدعت بالمعنى يزيد
قاصدن ديرة حبيه وطول مايشوفه
كابسن نور الزنن واخذن علم وكيد
بنت شيخن كنها مهرة الفارس وصوفه
الجمال اليوسفي زينها عنق الفريد
هايمن في حسنها خايفن تطول تطوفه
عمت الفرحه مع الترف كنه يوم عيد
عقب همن بالظماير وسواسه يحوفه
اغتنم له فرصتن عقب نوم بالجليد
ماتحسف في غلاها ولا يطري الحسوفه
حبها يجري مع الدم شريان الوريد
كنه اللي كمل الفرض والمسعى يطوفه
فرحته يوم التلاقي يزين بها القصيد
بقلم الشاعر ---خالد حامد الجميلي