جرح قلبي مثل جرح عرعر لواديه

أخواني الكرام أسعد الله أوقاتكم أنقل لكم هذه القصيده الرائعه للشاعر قطيفان سلامه الجميلي رحمه الله وأترك التعليق لكم . دمتم بخير
{{{ { جرح قلبي جرح عرعر بواديه } }}}
[poem=font=",6,blue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ياجرح قلـبي جـــرح عــرعــر بـواديه = إن جـــــاه من نــــو الثــريـا مخيـلة
غــراء تـــــدربـي من وحمهـا هواديه= واللـي على راس الزبــــاره تشيـله
نقـر لـه الشــرقــي وسكر شمــاليه= وصبـت غزيـر المـاء لمن يشتهيله
على عشـير ٍ كل ماقــلــت قــــــال إيه = قبضت علــــم ولاادري وش حصيلة
مثل العسيف الي على الهـون أداريه= انــوى ونـــوى كـان هــومــابــديــلة
والله لاخلـــــي كـــل شغلــــي وابـديه = امــا اتـــركـه ولا استحــلــه طويـلة
افمــي يهــــذري بــه وعيـني تـراعيه = وقلـبي قعـــد عنـــده وكبـــدي غليلة
والرجل يمـة ماشكـــت من مـواطيــه= والحــــال لــــو تـاكل نفيـــع ٍ نحيلة
لاتحسبـونـي كـــــل مابطــيت ناســـيه= شـري وغـــربـــالـــي الياطـال طيلة
يامنهـوا اللي كـل هــــرجـــي يـــوديه= يكسب بـي اجــــر وغير ذلك جميلة
جنسـه غـريـــب وعـايــــزاتٍ مواريه= زملـوق صيـف ٍ نــــابـت ٍفي مسيلة
ودك علـى اول زوم نـبـتــه تبـــاديـــه= وتــاكــل بقفـــراتـه لــيـال ٍ طـويـلة
يامطــلـق المخـلـد طبعت ابـــلاويـــه = لا يالـذيـابـي فــــل حيـــلـــي بحـيـله
مامن صـــديـــق ولا محـامـي يحاكيه = ولــيــادفـــعـت إلـه الـوعـد ـمايجيلة
يـــدرى عـــــدو ٍ مبغــــض ٍمايــدانيـه = لـــو هــو علـى كيفه يجـي مانجيله
اخـــاف من دحـش كبــــار ٍ عـــلابيـه = مايعـرف العـفــة ودرب الــفشــيــلة[/poem]
{{{ { قطيفـان بن ســلامــه الجميـلي } }}}