الشاعر : سطام بن سلمان
يا ناس ابعدوا تكفون ابا اشوف محبوبي
ترا لي ثلاث شهور " ما مرني زوووله "
غزالاً بهي الوجه والوصف رعبوبي
نحيل الخصر والعين دعجاء ومكحوله
خطفني برمش اعيونه وصرت مصيوبي
بدا " حربه الكبرى " لي ودقت اطبوله
غزاني بجيش الحب وتكتك على احروبي
عرف وين يلقى ضعفي وحرك اسطوله
وانا دولةٍ عظمى لها سور منصوبي
وهو جيشٍ استولى على سلطة الدوله
ملك سور صدري والحكم صار مقلوبي
تربع على عرش الغلا وأعلن انزوووله
تمكن غلاه بقلبي و صار مرغوبي
لو انه يبي روحي ترا الروح مبذوله
فداه العمر كله ولاني بمغصوبي
ملكني بزينه والغلا بان مفعوووله
ي سبحان ربي ماخلق فيه عذروبي
تفرد بوصفً ياخذ العقل ويهوووله
انا داخلن بالله قبل ختم مكتووبي
لاشفتوه قولوا ياما شاء الله وادعووله
ي عالم دخيل الله ابا اشوف محبوبي
ترا لي ثلاث شهور ما شفت انا زوله