الشاعر:عواد الجحيش
ابتّدي بالله وملجوم يابليس اللعين
واقنع بما قدّره لي إلهي واشكره
من قصيده طلّعت شيء بالقلب الدفين
مفرداتٍ مُشبعة والقصيده جوهرة
والقصيد اللي يجينا من اللي فاهمين
المعاني عاليه والبيوت معطره
والهوا له عدة ابواب ياللي مهتوين
لو تعّلى خيره الشر خيره يغمره
قد سبحنا في بساتين ورد وياسمين
اقطف اليانع من ورودها مع زهره
العشاشيق بسعاده بدون العاذلين
كل عاذل جعل روحه تطق من قهره
ياعشيري مالهم شرع ذولا دون دين
شغلهم بالارض تفريق رجال ومره
والا انا ماتلّني صوبكم ياعاشقين
غير غروٍ وجهه الفجر والليل شعره
لفنّي من لاشعوري وخلاني سجين
من لمح زوله من الزين ماغض بصره
انفتح له قلبي وصار هو الاكسجين
فيني يضيق الفضا في غيابه باكبره
الوفاء اسقي به الوصل لا علّه يزين
ولا حصدنا من تعبنا سوا شوك شجره
من بغى الفرقا صنع شين لو مافيه شين
ومن بغاك بصدق يموت مادار ظهره