قوس على سيم شنه

هذه القصيدة قبل ( 35 ) سنـة كان عمر الوالد حفظـــه الله ورعاهـ 23 سنة



[poem=font=",6,deeppink,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
قلبي كما قوس ٍ على سيم شنــه = والحال مني كن يـــــبراه بـــاري

عليك يالغالي زعجت الف ونــه = أقـنب قـنيب اللي سرى بالغداري

السد ما يفــضي على الناس كنـه = إلا عليك اليا طـــــرالك مــــطاري

ياللي عليك الريــم لا وصفنــــه = معنـّـق يزهي جديد الخــــــزاري

أخلفت قلبي يالحــبيّب وظنــــه = أودعــــــــتني ماينفعــن كل قــــاري

سبايبك هاذي عــيوني شقنـــه = ملكـــتني بالحـــــب غصب جهاري

أسري مع نجوم السماء لا سرنـه = هاجوس هم أكسره بالطواري

لين الميازين هدفـــن وأدبـــــحنـه = والكــــبد كن بها سمـوم الذواري

هــم ٍ وواهس بالضــماير لـجنــه = والـروح من همك لحقها خطاري

يا أبو خـــديد ِ بــارق ٍ يلمعــنـه =تجذب على خدك بعيد المســـــاري

لو هــو بعيد وبالدجا يجهرنـه = كانك تبيع النفس انا مــنك شــاري

يارو روح الــــروح لاماك جنـه = ياكامل الاوصـاف مالـك إمـّـاري

طليبك المفلــــوج لــو زاودنــه = لو زاودنك ولبســــــــــن الخـزاري

حلحلت حالي والضلوع انحلنـه = وسليت روحي مثل سلك الأباري

وهذي عيوني من هواكم بكنـه = لجت ضلوع القلب مثل الضواري

ساجن ولاجن والعشاء ماقونـه = والصبح ضايقهن وجاهن نهاري

واللي يبنه بالعشا ما ادركنــه =هذا عشاهـن جدفهن بالصــــــحاري

وأنا جرى لي مثلهن مير أكنــه =أخفي على اللي بالحكي ما يداري

وإلا القدم يــــم الحبيّب مشنـه = اللي سوالفها جنيـه ومصــــــاري

شقر ِ على متن الحبّيـب ضفنـه = بالزين صافي ياعجيب المــواري

نــزه ٍ شريف ولا بعد فيه لنــــه = نجلا العيون وكــن فيهن شباري

وزين الحجاج ومن نظرهن رمنه = مخباط قفش ِ من زناد السواري

شـــوفه ربيع والهموم ارجهنه = ما اطيع فيها كل مبغض وزاري

حبه فلل ِ بالحـــــشى يعمرنـه = الات شغاله وسجل ِ تجـــــــــــاري
[/poem]

صح لسآآآآنك ...


موفق بإذن الله ... لك مني أجمل تحية .

صح لسان الشاعر أبو محمد

وقصيدة كتبت بماء الذهب

سبك قوي ومعنى جميل

صح لسان الشاعر وسلنت على النقل


لاهنت..............

[align=center]
صـح لسـآن الشـآعـرٍ

ولآهـنـت عـلـى النقـل
[/align]

مشكوووووور على النقل الراااائع
صح لسان شاعرهاااا
واصل ابداااعك

يعطيك العافية على النقل
وابو محمد شاعر من الطراز الاول الذي يمتع السامع ويطربه في جزالة ابياته وعذوبتها

قصيدة جزلة من شاعر جزل

شكرا لك أخي المستشار