قصيدة ياجرح قلبي جرح عرعر لواديه لقطيفان الجميلي

القصيدة كاملة :
> يا جرح قلبي جرح عرعر لواديه .......
إن جاه من نو الثريا مخيله
> غراء تدربي من وحمها هواديه .......
وللي على راس الزبارة تشيله
> نقر لها الشرقي وسكر شماليه .......
وصبت غزير الماء لمن يشتهيله
> على عشير كل ما قلت قال إيه .......
يقول قول ولا أدري وش حصيله
> مثل العسيف اللي على الهون اداريه .....
انوى ونوى كان هو ما بديله
> والله لخلي كل شغلي وابديه .......
اما اتركه وإلا استحله طويله
> افمي يهذري به وعيني تراعيه .......
وقلبي قعد عنده وكبدي غليله
> والرِّجل يمه ما شكت من مواطيه .......
والحال لو تاكل نفيعن نحيله
> لا تحسبوني كل مبطيت ناسيه .......
شري وغربالي اليا طال طيله
> يا منهو اللي كل هرجي يوديه ......
يكسب بي أجرٍ وغير ذلك جميله
> جنسه غريب وعايزات مواريه .......
زملوق صيفٍ نابتٍ في مسيله
> ودك على أول زوم نبته تباديه .! ......
وتاكل بقفراته ليالٍ طويله
> يا مطلق المخلد طبعت ابلاو يه .......
لا يا الذيابي فل حيلي بحِيله
> ما من صديق ولا محامي يحاكيه .......
وليا دفعت له الغرض ما يجيله
> يدرى عدوٍ مبغضٍ ما يدانيه .......
لو هو على كيفه يجي ما نجيله
> أخاف من دحشٍ كبارٍ علابيه .......
ما يعرف العفة ودرب الفشيله

قصيده مشهوره .... لشاعر الشمال قطيفان الجميلي رحمه الله

تسلم على النقل الرائع

رحم الله الشاعر

تسلم على النقل

رحم الله واسكنه فسيح جناته

الله يرحم ا لشاعر المعروف ويغفرله ويسكنه الجنه بواسع رحمته والف شكر للنقل ومشاركاتك الجيدة

رحم الله شأعرهأ

وسلمت يمين نأقلهأ


تحيأتى


لك

الله يعطيك العافية على نقل هذة القصيدة الجميلة


للشاعر الكبير رحمه الله

رحم الله الشاعر

تسلم على النقل