قصيدة وطنية بمناسبة اليوم الوطني للشاعر زيد بن راضي
09-26-2013 08:55 AM
الف وثلاث اميه اواحد وخمسين
تاريخ ماتنساه حتى الرضيعه
فْيه اعلن العاهل بكل الميادين.
توحيد دوله حاكمه بالْشريعه.
عبدالعزيز اللي رجح بالموازين
جمّع شتات الشعب واتقن صنيعه
واسس لنا الدوله على العدل والدين
بين الدول الها مكانه رفيعه.
دستورها القرآن فوق القوانين
يحكم بمضمونه وسنة شفيعه
وشعارها التوحيد خير البراهين
وسيف العداله قوته من لميعه
دوله حباها الله ارض الشريفين
مكه وطيبه والمنابر بديعه.
ي عل قبره جنةٍ قولوا امين
مع النبي وسط الجنان الوسيعه
ومشوا على نهجه ملوكٍ ميامين
عياله اللي افعالهم بالطليعه
واليوم يومك ي وطن يوم الاثنين
كلٍ يعبر به بما يستطيعه
يوم الوطن هذا ثلاث وثمانين
امن ورخا مرت علينا سريعه
حافل بتطوير الوطن من هكالحين
وقْوة تماسك بالرجال الشجيعه
بين القياده والرجال الوفيين
مافيه فرقٍ بين سنه وشيعه
حب الوطن مع دمْنا بالشرايين
فطره من الله لين صارت طبيعه
ولارض الوطن حنا على الدوم موفين
الدم يرخص والوطن مانبيعه
نموت بترابه ونحميه حيين
ولحمايته مثل الحصون المنيعه
ومنا لابو متعب زعيم السلاطين.
بيعه وبيعه ثم بيعه وبيعه
نمشي على رايه على العهد باقين
وليا طلبنا بكل شْيٍ نطيعه.
الله يحفظك من شرور المعادين
ي حاكمٍ والشعب عندك وديعه
واختامها مني تحيه وثنتين
للدوله اللي حاكمه بالشريعه
الشاعر : زيد بن راضي البناقي
10 |
7
آخر 10 مشاركات
الإهداءات
منذ /29-09-2013
قصيدة وطنية بمناسبة اليوم الوطني للشاعر زيد بن راضي
العرض الشجري