من اخر ماقال قطيفان

مابي بلا لوهو رجع كل مافات
ماينرجع شي ٍ دفعته ورايه
وقصّر غزير الشوف عن البعيدات
وصار المساعد للقوايم عصايه
والسود راحن ما بقى الا المضيحات
وغر الثنايا غادرن عن جمايه
والعمر له فزه وتاليه منهات
عشر ٍ مع السبعين ما به روايه
وابي وراهن والليالي مديات
والكبر بين لك بمشي العدايه
وجربت لذاته وجربت لذعات
وتعبت من طرد الهوى من عنايه
وانا احمد الله ماوطيت المخمات
اخو خوياتي وبنت قصرايه
على الشرف واحب كل الشريفات
ولا اقش زرع ٍ نابت ٍ بالحمايه
واعرف ترى الحيين يتلون الاموات
ولادايم الا الله والراي رايه