الشاعر الكبير / فهيد الباطح الجميلي رحمه الله
نطيت لي رجمٍ طويل المشاويح ---- تزمي له القاع البعيدة اقباله
يا علّ يسقنّه سحابٍ مراويح ---- غرّاً من المنشا تزبّر اخياله
حيثه مقّرٍ للوجيه المفاليح ---- عمرّدٍ من شاف راسه عناله
يعطيه من ماضي زمانه تلاميح ---- قلب العنا يطري له اللي مضاله
وقتٍ مضى لو كان رزقه شلافيح ---- يا زين لذّاته بحزّت مجاله
متيسّرٍ رزق الوجيه المفاليح ---- وكلٍ توافيقه على قد حاله
كلٍ على ربعه يبي هبّت الريح ---- يجزم على الفرجه لو إنه لحاله
ليا ركبنا مبعدات المصابيح ---- ما همّنا كود السنع والدلاله
نمشي ببرٍ ما لدربه مفاتيح ---- ما قيل لك عطنا البيان وكفاله
وليا حكينا بزاهيات المسابيح ---- سوالفٍ ما هي سوالف رزاله
نجل العيون المترفات الذوابيح ---- امدلّهات المهتوي عن حلاله
يعرضنّه للوعر والمطابيح ---- ويرفّعن للي طفح به جلاله
ليا اشتهن طفّن عيون النوابيح ---- وليا انكرن ما همّهنّ الفساله
يا قربهن وليا ابعدنّك بتنزيح ---- وعند الزعل مالك عليهن جماله
مشروبهن درّ البكار الملاويح ---- يكفي ولو هو يشربنّه اذهاله
يطري لك اللي سرّح القلب تسريح ---- مع زين منطوقه جميلٍ خياله
وساده جعد وفراشها بالنّدى شيح ---- ما حطّت الدّوشق هذولي بداله
ابو نهودٍ مثل وصف التّفافيح ---- سبحان خالقها بعزّة جلاله