--------------------------------------------------------------------------------
وين انت يا حمدان امك تناديك **** وراك ما تسمـع شكايـا وندايـا
يا مسندي قلبي على الدوم يطريك*** ما غبت عن عيني وطيفك سمايا
هذي ثلاث سنين والعين تبكيك**** ما شفت زولك زايـر يـا ضنايـا
تذكر حياتي يوم اشيلك واداريك**** والاعبك دايـم وتمشـي ورايـا
ترقد على صوتي وحضني يدفيك**** ما غيرك احدٍ ساكن في حشايـا
واليا مرضت اسهر بقربك واداريك ***ما ذوق طعم النوم صبح ومسايا
ياما عطيتك من حناني وبعطيك**** تكبر وتكبـر بالأمـل يـا منايـا
لكن خساره بعتني اليوم وشفيك ****واخلصت للزوجه وانا لي شقايـا
انا ادري انها قاسيه ما تخليك**** قالت عجـوزك مـا ابيهـا معايـا
خليتني وسط المصحه وانا ارجيك*** هذا جزا المعروف وهذا جزايـا
يا ليتني خدامة بين اياديك ****من شان اشوفـك كـل يـوم برضايـا
مشكور يا ولدي وتشكر مساعيك*** وادعـي لـك الله دايـم بالهدايـا
حمدان يا حمدان امك توصيك*** اخاف من تلحـق تشـوف الوصايـا
اوصيت دكتور المصحه بيعطيك*** رسالتي واحروفهـا مـن بكايـا
م ن ق و ل