لو نصحـت القلب مايـطيع بولـيفه
ضارين طـنـش على كل العـلومي
شلع قلبي شلع ضرسن من رديفه
يوم بدا الساق من تحت الهدومي
والمـشاكل كلـها نفسـي ضـعيـفـه
تقل خـطـو الزين لي بيديه يومي
وأسرعت دقـات قـلبي مع رفـيـفه
يوم نـظـرته طـعـنـي بالـسهومي
قـام يرمي بالـغلا رميه ضـريـفـه
رمي شـغـمـومن نطيحه مايقومي
قـلـبـي اللـي مومين مثل السفيفه
فوق حمراء تقطع البيداء عزومي
مـع رهـاريه الـخـلا راحت خـفيفه
تحـت عـجلن لاعطوف ولارحومي
وأقرشت مع خاوين يبحل وصيفه
رفـهـا رف الـقـطا والعنق رومي
وان تقـفـيـت الظهر كوعه طريفه
وراسـها تـقـول يصـعـد للنجومي
هوجاء بتراء فخذ وأوصافه كليفه
وسنداء قبا ضلع تبت الـحـزومي
والـنـحر وسيـع ورقبته سهـيـفه
والـمـذارع جرد ماتـلقى اللحومي
كن مذنب عـينها جـمـره قـذيـفـه
ليا شعاها الصوت غضبها يزومي
والاذان حراب شـوفـتـهـن مخيفه
والبراطم ظافيه هنف الـخـشومي
حمراء سحمه ذيب وتشادي هريفه
تقطع صعبات الفيافي والحزومي
حمراء وجنا ساعيه ماهي هديفه
مثل سل السيف باوقات اللزومي
واوجودي وجد من حـاله كـسيفه
بيدين عـداه والـحـق مـهـظـومي
الشاعر : خليف بن دوحان بن خلف العرنون