زوجه باعت زوجها ب10 آلاف دينار كويتي - قصة حقيقية

السلام عليكم ورحمة الله وبركاته
في وحده بالكويت

بنت خير ونعمة ومو متزوجة وبغت العفة والستر وبالحلال

فقالت لرفيجاتها

اللي تزوجني والله أعطيها 10 الاف دينار كويتي ( 120 الف ريال) ( 30 الف دولار)

قاموا البنات يدللون على أخوانهم وعيال عمهم

وما صار نصيب

فكرت وحده من البنات بفكرة

راحت لزوجها وقالت له إشرايك تتزوجها وتطلقها بعد فترة

وآخذ انه 5 آلاف وأنت 5 آلاف ؟؟

طبعا زوجها رفض رفضاً باااااااااااتاً

وضحك عليها وعلى خبالها

لكنها أصرت عليه

والسبب إنها واثقة جداً من جمالها وحب زوجها لها

وما تظن أن ممكن وحده تصك عليها

المهم صارت تحن وتحن على زوجها

لما قال لها انه فكرت ولقيت فكرتج مقبولة

وخطب البنت

والبنت وافقت

وتمت الملجة

فجاء الزوج

وأعطى زوجته المبلغ الكامل

قالت له : لا حبيبي بالنصيفه

رد عليها : خليهم لج شبعي فيهم

أنتي بعتيني وهي شرتني

روحي وأنتي طالق