دام الزمـن عقـد عليـنـا حجـاجـه
كل ما يسـوي لازم نقـوول مسمـوح
ماينفـع المشتـاق كـثـر احتجـاجـه
دام الجفا في شرعكـم صـار مبيـوح
كل مـا هقيـت انّـا قريـب انتواجـه
القاك يـا خلّـي علـى البعد مشفـوح
وكل ما ضويت الشوق تطفـي سراجـه
وتترك شعووري بين حـي ومذبـوح
وشلون ألومـك لـو مشيـت بعواجـه
ماتدري ان كل الخطـا منـك مدمـوح
تعـال قبـل لاتـرووح بهديـك حاجـه
ماعاد لي فيهـا مـع البعـد مصلـوح
ماهـي رسائـل او عطـوور بزجاجـه
بهديـك قلبـي دامـك معـزم تـروح
كـدر مـزاجـي كــدر الله مـزاجـه
وعرّض جميع اسرار نفسي على البوح
نوبن صويـب ونـوب فيـه ارتجاجـه
ونوب عطيب ونوب يشكي من النـوح
اخـذه معـك مليـت كثـر اللجـاجـه
وش حاجتي في قلـب مليـان بجـروح
بيدك نـزف جرحـه وبيـدك علاجـه
وبيدك تواريه الثرى وتأخـذ الـروح
سعد يسلم يمناك
وصح لسانك
في منتهى الروعه والذوق
تقبل مروري