عرض مشاركة واحدة
قديم منذ /08-07-2018   #1

 
مشرف قروب شعراء ومنشدي قبيلة الجميل
مؤسس القروب بالواتس

الصورة الرمزية بشير فهد

 

بشير فهد غير متواجد حالياً

 رقم العضوية : 10236
 تاريخ التسجيل : Jun 2015
 المشاركات : 418
 النقاط : بشير فهد will become famous soon enough
 تقييم المستوى : 154

مزاجي
رايق
افتراضي رثاء الشاعر : باطح بن فهيد الباطح الجميلي بوالده الشاعر الكبير: فهيد الباطح رحمه الله

رثاء الشاعر : باطح بن فهيد الباطح الجميلي بوالده الشاعر الكبير : فهيد الباطح الجميلي رحمه الله




مرحوم يا عودٍ رحل يوم الاثنين

عز الله إنّا من فراقه فقدناه


رحل ونزّل عند ناسٍ مقيمين

واقفى عن الدنيا ولا عاد شفناه


نزل بدارٍ طولها حول مترين

والعرض متر ونص لو ما مترناه


صفّوا عليه اللبن من فوقه الطين

وهلّوا عليه من التراب ودفناه


حطّوا على راسه ورجليه ثنتين

نصايبٍ من فوق قبره رسمناه


هذا مكانه لو خذا ايّام وسنين

ثابت على طول الزّمن ماتعداه


يا شيب قلبي يوم رحنا مقفين

واعز مخلوقٍ ورانا تركناه


تكّتني العبره وهلّت من العين

دمعة حزن من فوق خدّي نثرناه


على فراق ابوي اعزّ العزيزين

والله مدامي على الارض ما انساه


مرحوم يا ريف العواني والادنين

اللي يرحّب بالمسيّر ليا جاه


يضحك حجاجه لا لفوه متنصين

قرمٍ كريم وتنثر الدّم يمناه


بشوش دايم في قسى الوقت واللين

كم حايلٍ جابه لضيفه وعشّاه


لا حلّ له طاري بكل الدياوين

كلٍ يقول ونعم لا حلّ طرياه


ويا الله يا قابل صلاة المصلين

يا فارجٍ لايوب من عظم بلواه


اطلبك عفوك يا كريم الكريمين

تغفر جميع ذنوبه اللي بدنياه


تفتح له الجنه وخضر البساتين

وتوفّقه باللي تودّه وترضاه


في جنّة الفردوس مع النبيين

وانت العظيم اللي لك الملك والجاه


وتمّت بذكر مكوّن الخلق تكوين

في ذكر رب البيت ربي ختمناه







توقيع »
  رد مع اقتباس