هذه قصيدة مدح في المرحوم : بريكان بن السميري المحطب الجميلي ، والمرحوم : خلف بن حفر العنيزان الجميلي ، - رحمهم الله جميعا ، كانوا مهرة في الصيد ورمي البندق واشتهروا في ذلك
لدرجة أن بريكان لقب بـ " المحطب " لأنه يحطب الرجال والصيد وغيره ، وإليكم القصيدة وحسب ما وصلني بأن قائل هذه القصيدة هو : الشاعر خليفة بن راشد بن لويفي الجميلي - رحمه الله
[poem=font="mateen,6,gray,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
مبداي بالله عد ما غاب عسبان=واعداد ما تنشي صدوق المخايل
أنا عنزت الله .... خلف مع بريكان=فهود الزراج إن حل ضرب الصمايل
كم عودة يفجا نحرها بريكان=بعتقية ما رنعت بالعدايل
وكم عودة يلجي لها عقب الأقران=شطنية قادت تيوس الجمايل
يستاهل المجمول سحاب الأردان=بنت الرجال معدلة كل مايل
ويسلم خلف عزي كما الحر شملان=يا طير شام ماكره راس طايل
لا شاف بالميضاح طش وريذان = وبيديه نضت ناقلين السلايل
رميه مع أطراف النوازي كالاكوان=وقبل الضحى ضاقت عراوي الزمايل
يقول ما تطرش على كل ميحان=وأنا ضنينك بالسنين المحايل
حلو الدمي بكفوف طلقين الايمان =حنى هنوفن شافت اللعب ضايل
يومن غلا الوزنة بتسعين دنان=وأهل الرباع يقلطون الاصايل
ناكل تيوس كنها كفال خرفان=يوم الردي ما جاب غير الفشايل
عن العطش والجوع كنك ببرزان=متعلي كنك بعلوات حايل
[/poem]
[line]-[/line]
فهود الزراج : لقب يطلق على قبيلة الجميل
هذا مما حفظ لهؤلاء الفرسان .....ولعلها أطول من ذلك...... وفقكم الله
