السلام عليكم ورحمة الله وبركاته

مســــــــاكم الله بالخير

عندي لكم قصيده رائعه ومرموقه .. للشـاعر { عايد بن عمير الحريجي } وهو شاعر عذب وجزل

اترككم مع القصيده
(اشهد أن الشيب لابان بالرجال شاب وشهدأن القيض ماعف عن عشب خضر)



يالله المطلوب ياجايبن غيث السحاب ** يا رفيع البيت يا رب تسرع بالمطر
تبعث القاع الهميده وترويها شراب ** قلت أنا سبحان رباً جلا عنه الغير
كان عاد وراد نبته زها قبل الحساب ** قبل دور أسبوع يرقى على روس الشجر
الولي ما حط دون المرازق كل باب ** لا نوى لك ربك الرزق يأتي بمحضر
ما قسم لك صار لو أنت حذرٍ بالحزاب ** الحذر ما ينفع الرجل لا صار القدر
اشهد إن الشيب لا بان بالرجال شاب ** واشهد ان القيض ما عف عن عشبٍ خضر
اشهد إن الحلو ما يكنهك شربه لباب ** واشهد ان المر يرث على الكبد الغير
(واشهد ان الزين ما هو تلمح بالثياب ** اشهد ان الزين من صان عقله ونستر)
واشهد إن الصج صج وراع الكذب عاب ** والملصق لو تعبرت ما فيه معبر
من سعى بالبوق ما واق في روس الرقاب ** كان ما يمشي خفى لاتبين ما قدر
الهوى ياهل الهوى طربت العمر الشباب ** من طرب في شبته ما تحسف لاكبر
عل نفسٍ ما تطرب عساها للتراب ** وعلها عن لذة الاخره تصلى جمر
آآه يا عزي لمن كب ريه للسراب ** غرته سربٍ تزامى يحسبها غدر
والعذارى طردهن صعب في كل احتزاب ** كم صبياً وقفنه على باب الفقر
والعذارى لو يجي طردهن سهل الجناب ** كان كلٍ طارد البيض ما غض النظر
والعذارى طردهن صار ماله مستجاب ** صار طرد البيض شيكات وانواطٍ تجر
والعذارى شيبن بي وانا قبلٍ شباب ** كثر ما ذقت الشقى من هواهن منضمر
انشدوا قول المجرب بهن ذاق العذاب ** ذاق حلو وذاق منهن مرارات وكدر
كيف راع المال يفرش له الزل اللباب ** والضعيف اليوم ماله صديق ولا قدر
كيف راع الكذب يعطي طلبه بلا كتاب ** والصديق اليوم ما صح له غير العذر
والنساء تقول بيت الشعر كله تراب ** حطت العذر المدارس تبي شوف القصر
عقب ما هي ناحله ورمت مثل الجراب ** ولا رقدت ما عاد تقوم لاحين الظهر
والعجايز عقب ما شيبت ردت شباب ** حنت الرجلين لبست لها كعباً حمر
والبست ثوبا خفيفا يطير بها الذباب ** وساقت الكحله وراحت تسوس بلا عذر
روحت عن بيتها كن تنحاها الكلاب ** ركبها الشيطان ما عاد تغضي بالنظر
وانت كان تبغى اللي توده ورا عشرين باب ** طرش الشيبا سريعه تجيب ألك الخبر
حولن اللي على مشرفات من الرقاب ** فوق خمس ادوار تجيبها لك بالغدر
كان قولي به خطا راجعوني بالخطاب ** نرجعه للكمبيوتر يفصلها شهر
وكان قولي صح محدن بلاحقني عتاب ** الصحيح يدل والكذب ماله مستقر
تمت القيفان من شاعرن لا قال جاب ** ما يجيب البيت لحين يضرب به فكر
اتمنى ان ماتحرمونا من تعليقاتكم منقوووول