الشاعر : باطح بن فهيد الباطح الجميلي
يا حمد بالمدرسة شفت لي زولٍ رهيب
صوبتني يا حمد في سهوم عيونها
الحظتني في عيونٍ مثل عين الربيب
عين شيهانٍ على طلعها يدعونها
ابتسم لي في ثمانٍ مثل لون الحليب
او مثل وقع البرد من سحاب مزونها
قال لي بالخير وش لون حالك يالاديب
حالتك من عقب ما شفتني وش لونها
قلت يا غض النهد منك جرحي مايطيب
ارفقي في حالي اللي تزايد كونها
علتي من سبتك ما يداويها الطبيب
الاطباء علتي منك ما يبرونها
جيت للدكتور يقول لي جرحك عطيب
لو نجمع كل الاطباب ما يبرونها
الأبر وعلاجنا منك ما يفيدك يالصحيب
كل علت مغرمٍ طبها مضنونها
لكن ابعطيك وصفه ووصلها الحبيب
لاقرا نص الرسالة فهم مضمونها
كان هو قام بعلاجك تشافا عن قريب
غيرهم لو تجمع الطب ما يلقونها
قلت هرجك صح ما فيه شك ودون ريب
البلاء لا حالو اهل الحسد من دونها
صبتني يازين الاوصاف بالخد العجيب
بك حلايا من سميره وبعض فنونها
واهني اللي ابوها واخوها له نسيب
ياخذ المجمول لو هو غلا مثمونها