الشاعر : فهد سليمان المليح
يا صباح العيد لو العيد توه
انت كل العيد يا عين النداوي
ياهلا و القلب لجلك شب ضوه
والله اني من سبب حبك فداوي
افرح بشوفك و ارحب في سموه
يامناتي يوم كلن له مناوي
انت جوي والعرب كلن وجوه
اتشفق شوفتك كني شفاوي
والله انك داخل المعلوق جوه
وشوفتك عقب البطا مثل المداوي
مانفعني قول ليت وقول لوه
ضاقت يديني عقب ماكنت قاوي
لاتهيضني ترى ماني مفوه
لاتجيب الهم و تزيد البلاوي
لاتخليني ورو القلب روه
لاتخلي صاحبك لاصرت هاوي
من يخلي صاحبه مابّه مروه
لاتخليني و انا حبلي رجاوي