الشاعرالوزاري عبدالكريم المنيجل
على السعه والخاطرالزين والطيب
والحب والصدرالفضي والجمايل
اقص بشعاري اقصص ومناديب
لهل الادب والمعرفه والمثايل
قالو هل الامثال واهل التجاريب
في سالف ايام السنين الرحايلw
عبرالسوالف والادب والمكاتيب
قبل الشريحه والرقم والموبايل
تشري الاخوه عند عكف الاشانيب
وانباع عند انباع شقر الجدايل
والبشت مايستر اكبار العذاريب
لاصار راع البشت راعي خمايل
والصبغ والكوفير لويستر الشيب
مايبطي وتظهر عليه الدلايل
ولاكل ضيفن ذاق ملح المعازيب
يصون ملح اهل الكرم والفضايل
ولاكل مجتهدن على جهده امصيب
ولاكل مشكلتن اتحل او اتحايل
والشمس تشرق من ورا الكون وتغيب
والعمر ينقص والليالي. طوايل
والعيب ماهو بالسجن لكن العيب
باللي على ربعه يجيب الفشايل
والكذب ماياقف معك بالنواشيب
والصدق ياقف معك وقفة اصايل
والقل ماسوًد اوجيه المواجيب
والمال مابيض اوجيه. البخايل
ومن لاشرب بصباه عذب المشاريب
يموت مايشرب لو السيل سايل
والحر يشهر ماكره بالمراقيب
والبوم ماعمره تعدًا النثايل
والخوًه اللي ماتودي ولا اتجيب
تشبه طرف جرفن ثراه امتهايل
امًا مخوة سالم الزير. وكليب
ولاً بلا من خوًة اهل التحايل
/!!!///////////////
مجاراه لقصيده الشاعر الجزل الوزاري
👇🏻👇🏻👇🏻👇🏻
الشاعر / احمد ابن جابر الحفر
من روضتن ترعابها شمخ النيب
شيب الغوارب نادرات الفصايل
ميرادهن من صافيات المشاريب
تروي كبودن من ضماها غلايل
دكن ظلوعي محسبن العواقيب
متراهياتن بالوصوف الجزايل
كله لجل معنئ جميل الاساليب
اللي قدح زنده بروس الفتايل !
يامرحبا به في جزيل التراحيب
اعداد برقن لاح عرض المخايل
هذا زمان" روض النمر و الذيب
اللي على الصملات فيهم صمايل
ولوالمراجل تحضر احيان وتغيب
مايجحد الرجال طيب الفعايل
من دون نارك لا تهاب المحاريب
سّل السيوف المرهفات السلايل
والخوه اللي كلها شكن و ريب
ما نعتبرها من كريم الخصايل
كم واحد كبار الهقاوي به تخيب
وكم واحدن شال الحمول الثقايل
وانت الصحيب اللي يصون الاصاحيب
يحفظ حقوق اصحابه ولا تمايل
جزل المعاني ماتجيك العذاريب
صايل بسيفك يالسنافي وجايل
والناس بالدنيا منازل و ترتيب
بالفعل تفرق مثل شمس القوايل
ماهوب كثر الزيف ولا الاكاذيب
مثل ماشفت الهول شفت الهوايل
والطيب دايم من خيار المكاسيب
نور البيوت الطيبات الجلااايل
و اختامها للعلم معنئ وتهذيب
لوكان ماضاقت عليه الوسايل