الغلطه اللي ضيعتني عن الدرب
ياليتني ما رحت معها ولا جيت
لوادري ان الصبغ يستر على الجرب
ما شفتني عقب الجماااله ترديت
والبندق اللي ماتنومسك بالحرب
لا تحتزم فيها مثل خايب الصيت
يبقى الردي لو يلبس الملبس الذرب
زوله مع الحيين وذكره مع الميت
الحر يكفخ بالجنااحين و الخرب
ما فكه امن الموت كثر الملافيت
ياجاهلن في يمت الشرق والغرب
ليتك قبل مسراك تنوي تقديت
ملا يحسب البعد ويحسب للقرب
يصبح قضيه في لسان الشماميت
وملا يثمن قيمة الفرد و السرب
بكره على صدره تزود التناهيت
🌹 احمد ابن جابر 🌹