محاورة بين الشاعر: سعيد المحطب والشاعر : عافت الامير
سعيد المحطب
سلام تسليمت وفاء للشعر واللي حاضرين
اعداد مالاحت بروق المزن في عرض السما
المرجلة كنز الرجال اللي لهم مبدا ودين
والا الردي ماله من الثنتين مال ولا نما
عافت الامير
يا مرحبا ترحيبة تليق باذن السامعين
من خايل البراق عينه ما يقربها العما
المرجله تاج على الرجال يالقلب الفطين
ما ميزوها الا احشما و لا جهلها الا اغشما
سعيد المحطب
المشكلة ماهي هنا المشكله علم دفين
ناسٍ تحرك ناس يم التهلكة مثل الدما
ماغرّتك ياصاحبي توك تناظرها بعين
مدري تجاهلها كذا من باب إنَ أو كما
عافت الامير
ليتك تغض العين عن بعض الامور اللي تبين
لا تلتفت للمشكله لا صار ما فيها زعما
ان قلت عرضها الشمال اتقول ياربي تعين
و اليا بغيت استر عليها ما لقيت لها غما
سعيد المحطب
انهيت كل المشكله بس البلا بالعابثين
ولا رميت اذا رميت الله هو اللي قد رما
طالت حبال المشكلة للروس لو هم غافلين
لو قلت ابسترها تقول الناس مافيك انتما
عافت الامير
اعرف طريقك و الزمه و الا انت سيد العارفين
لا تتبع الهفوات خلك يا سعيد بالسما