الشاعر : عيد بن مطلق
اختلافات الحبايب علئ الشي الخفيف
ماتسـر اللي .. نفخـها علئ شخـصً يبيـه
كنت له عـن خبث الانـذال رجالً شريف
واتحاما دون حبه واهـين اللي " يجيه "
كان مالك " قلب " مغليه لاماكان ضيف
واتفقد كل " ماينقصـه " حسـبة ذويه
كنت وافي لين فكرت احس اني ضعيف
واتجاهـل كـل مايفـعله مـن دون " ليه "
كنت له عـن كل مايضـهده خيـر الوليف
واتحـمل كل مـاجـابه " وجابـت يديه "
لين شفته يخطي الدرب ويزم الرصيف
وايتثيقل جيتي له وانا اللي " مشتريه "
كنت له مثل الشجر ثابت وفعله خريف
" لو تسوي ماتسوي يطيح ولا تجيـه "
يوم بانت لي محبّته مثل مزون صيف
انسحـبت بعـزة النفس والعقل النزيه
تركته مثل الشجاع بمعارك دون سيف
صاملً يبـغئ المعـزه لو العالم عليه