وهذا ردي على الشاعر سيف أتمنى أن تنال إعجابكم وليعذرنا أبو عبدالله عن التقصير
يا هلا بالشاعر المبدع الفني
يا هلا به عد ما لاحت بروقه
ابن عوده لأول أيامه يحني
خابره يمشي بخطوات ماثوقه
الهوى من جربه يخلف الظني
منه قلب المهتوي بانت فتوقه
بصري المشهور من حبهن وني
ضيع الحجة من أسباب معشوقه
كم صبي جسمه أصبح كما الشني
جرب اللوعات والنفس محروقه
يا أبو عبدالله علومك يشوقني
تشتكي ودروب الأحباب مطروقه
وأبشر بكل الذي تطلبه مني
آصل المحبوب واسمع لمنطوقه
حدد العنوان ماني بمتوني
لأجلك أبركب على الجيب واسوقه
واتحرك وأطلب الله يعاوني
وادفع المطلوب لو زودوا سوقه
وخير من ذا راعي الدين متهني
يرجي اللي مايقصر بمخلوقه
والصلاة اللي على المذهب السني
تجعل النفس من الأوزار معتوقه
لو يطول الوقت الأعمار يفنني
والنصيحه جتك يا سيف مرفوقه