عبد الله فلا ح
من ضميراً ما تزعزع من كثيرات الهبايب
ارحب ارحب والسوالف بينا فيها موده
والله ان الوقت هذا شفت انا فيه العجايب
مير وش قولك بها يا صاحبي والحق عده
عبد الله بن سنيد
انت نوَن يالجميلي جابته غر السحايب
البقى لك والسوالف عند خلان الاشده
بين عدوانك ترى تلقى مواضيع الحبايب
كنهم عسكر تحت حكم النذاله مستعده
عبد الله فلا ح
وين راعين الشدايد وين راعين الركايب
روحت والسيف باقي بس منه اللي يحده
كل موضوعاً معا هم لازماً فيه الطلايب
وكل قوه والله انا قادرين نصير ضده
عبد الله بن سنيد
ماذبح راع المغازي غير شيخان الضرايب
مير بابن جاك منه الريح يارجال سده
والله اني من رجالن كل ماجات النشايب
السعد والمرجله والحر واضح من مهده
عبد الله فلا ح
راح وقتاً للمغازي صارت اوقات الغرايب
وكل يد تمد لازم باننا نصافح ليده
والنعم فيك وانا ماني من الشعار هايب
وكل كلمه يا صحيبي لازماً تسمع مرده
عبد الله بن سنيد
انت توك ورع طايش والهوى خلاك شايب
شيبت بك مسفره والمرتكي ملعون جده
طيع شوري كل ماشفت اللبن وسط الغبايب
لاتكبه وان لقيت اللي يصافح لاترده
عبد الله فلا ح
كيف هذا الورع ليّن في عظيمات الصلايب
مسفره ماهي لكم مير استرح فوق المخده
لو تعود في زماناً كان تعرف شالسبايب
لا تفك الباب وانته ما قدرت اصلاً ترده
عبد الله بن سنيد
جمسي اللي بالوزاره واقفن لاهل المصايب
احتمال احط به تمر الحسا واروح جده