عرض مشاركة واحدة
قديم منذ /13-06-2022   #1

 
مشرف قروب شعراء ومنشدي قبيلة الجميل
مؤسس القروب بالواتس

الصورة الرمزية بشير فهد

 

بشير فهد غير متواجد حالياً

 رقم العضوية : 10236
 تاريخ التسجيل : Jun 2015
 المشاركات : 418
 النقاط : بشير فهد will become famous soon enough
 تقييم المستوى : 154

مزاجي
رايق
افتراضي الشاعر : بشير فهد فهيد الباطح ~ بـديـت بالـلــي يـبـعـث الـحـي لا مـات

الشـاعـر : بشـيـر فـهـد فهـيـد البـاطـح


بـديـت بالـلــي يـبـعـث الـحـي لا مـات
الـلـي خلـقـه اول مـن المـوت يحيـيـه

وخـذيـت مـن فكـري معانـي ثمينـات
اخـتـرت مـن جـزل المثـايـل معـانيـه

اقفـت ليال الوقـت من بيـن لحظـات
والـوقـت لــو طــوّل تـغـيــر تـوالـيــه

راح الــزمـــان ولا بـقــى بــه مـلـذات
الـلـه يـكـافـيـنــا صــوادف بــلاويـــه

نـرسـم أمـلـنـا بالـلـيـال الـمـقـبـلات
يـالـلـه دخـيـلـك مـن بقـايـا لـيالـيـه

احـدٍ يعيـش بخيـر واحـدٍ بـضـيـقـات
دربٍ مـشـوه الـنـاس لابــد تـمـشـيـه

وقـتٍ تعيشه بـيـن ضـحـك ومـسـرات
ووقـتٍ عسـى المـولى بعطفه يعديـه

يـا كـم مـخـلـوقٍ جـرت لـه مـعـانـات
يـشـكـي لـربـه يـطّـلـبْ لـه ويـرجـيـه

وإلّا تــرى ابـن آدم مـعــرّض لـلافــات
مـيـر الـولـي يلـطـف بعبـده وينجـيـه

صــل الـصـلاة بـوقتهـا خـمـس مــرات
الـلـي يضيعـهـا يـضـيـع الـرجـى فـيـه

اوصيـك ياللـي تستمع نـظـم الابـيـات
جـارك وضـيـفـك والـخـوي لا تخلـيـه

درب المـراجـل ما يجـي لـك سـهـالات
يـبـي ولـــد عـــودٍ بـعـيــده هـقـاويــه

صـمـيـدحٍ قـولـه عـلـى حــق واثـبـات
يـقـطـع عـلـى رايـه وعـرفــه يـقـديــه

راع الــوفـاء والـطـيــب راع الـمـروات
الـلـي يـمـد مـن الـعـطـاء مـا يطـرّيـه

يـشـوم لـلـعـلـيـا عـن اهـل الـرديـات
وكـلٍ عـلـى سـاسـه وفـعـلـه يـبـديـه

ابـعـد عـن الـلـي خـوتـه بالفـضـاوات
بالـقـول يجلـب مـن حـلالـه ويعطيـه

وعـنـد الـلـوازم يطـلـعـن الـخـفـيـات
تبـيـن مـن هـرجـة لـسـانـه خـوافـيـه

واهـل النميمة سـوّة الخـلـق بالـذات
احـدٍ يـجـيـب الـحـكـي واحـدٍ يـوديـه

طـبعٍ لـهــم زرع الـفـتـن والـعــداوات
الـلـي عشيـر ابليـس والـلـي مـوالـيـه

يالـلـه عسـى تغفـر للاحـيـاء والامـوات
ومـن يطلبـك يـالـلـه تجيبـه وتعطـيـه

طـالبْـك عـبـدك يـا مجيـب الـدعـوات
يـا مـن لـه المسـلـم يـحــج ويـلـبـيـه








توقيع »

 

سبب آخر: اللون
  رد مع اقتباس