هذه القصيده ترحيبيه بمناسبه زيارهـ صاحب السمو الملكي الامير سلطان بن عبد العزيز النائب الثاني
لرئيس مجلس الوزراء ووزير الدفاع والطيران والمفتش العام الى محافظه حفر الباطن..
[poem=font=",6,,normal,normal" bkcolor="transparent" bkimage="" border="none,5,deeppink" type=2 line=0 align=center use=ex num="0,black""]
يالله اني طالبك في الاقامه والسفر = انت عالم غيب الايام ومدير السنين
اخز عنا بليس واللي على نهجه ظهر = وانصر اهل الحق واللي على امرك قايمين
اتقدم واتشرف بدعوه من حضر = بجمع حفل اللي له الفعل والحظ المتين
اسمعوا قيل نقوله مثل در البحر = بالملك ولد الملك يالرجال الحاضرين
قلت بك قول ينومس وناخذ به فخر = وكل مدحي فيك يزهاك يالدرع الحصين
هلت بسلطان نجد وهلّو به بشر = فرحة بك ياعريب النسب والوالدين
يوم زرت من الرياض المدينه والحفر = فرحو الشيبان بك واليتامى القاصرين
حد نجد من شمال و جنوب إليا قطر = عيدت بالخير واللي بنجد معيدين
وانورت يوم إن عبد العزيز بها ظهر = واحتماها بالبواريد والسيف السنين
كنها في جنة الخلد ونهور ومطر = وثبته بالخير طير السعد طلق اليمين
خبرها بالشر واهل القشر مية دهر = واقبلت للخير واهل الشرف والمسلمين
وانورت واستبشرت والظلام بها قمر = ونعمت ماجت بدور القرون الاولين
وعمها بالخير والخير في نجد انتشر = ونحمد الله جت على مانبي دنيا ودين
يوم هي طارد ومطرود بالفعل انتصر = لين صفاها عن اللي بنجد طامعين
واعتصم بالله ووحّد بربه واشتهر = واستعان الله ووحّد برب العالمين
جعل من جابه ورباه من سابع ظهر = يدخل الجنه وينزل رياض الصالحين
الضعيّف مشبعه والغني زاد وشكر = وحّد بلاده ونامت بامانه كل عين
من يعادي المملكه دونه الموت الحمر = المدافع جاهزه والرجال مدربين
وراجماتٍ تسبق الصوت ورماش البصر = من عشاهن جيش صنعاء وجيش الرافدين
رمزها درع الجزيره وبيرقها خضر = تاجها سيف المنايا لروس الحاسدين
قوة عابينها للزعيم إليا نكر = نتكل بالله وبامره وباسمه نستعين
ماتتقي بالمتاقي وغابات الشجر = تضرب الكايد وتنزل بعالي مايبين
مثل صدامٍ اليا شافها غض النظر = ساعةٍ من جيشنا تودع القاسي يلين
صبحو صدام واحتار منهم وانقهر = سلم امره ويتظلم مثل وصف السجين
يوم عادى نجد صدام حان به القدر = اندمر وانهار ماعاد له صوتٍ يبين
ياهلا العوجا هل العز الاقعس والظفر = العدو من كل دوله عليه مسلطين
كم دولةٍ عاهدتكم من اسلام وكفر = ضنتي ماهو غلا مير منكم خايفين
خير لاهل الخير ولعدوكم سوء وكدر = يعلم الله والعرب شايفين وعارفين
من عوايدكم فعول الشجاعه والفخر = الخليج ونجد واتباع نجد مؤيدين
وعيدي يانجد عزوك وافين الشبر = الفهد وعيال عبد العزيز الطيبين
انخزت عنك الشياطين والامن استقر = مثل دورك مامضى كل عام وكل حين
[/poem]
الـشـآعـر/ محيا بن شريده بن محيا الجميلي