هذه القصيدة نظمها الشاعر الكبير : محيا بن شريده الجميلي في حوادث هذه الأيام وولاء لأبي متعب حفظه الله
[poem=font="mateen,7,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا الله إني طالبك لا تخيبنا=صِد عنا زمرة السوء واسبابه
يا كريم الوجه تقبل مطالبنا=باسمك ووجهك بلدنا وجِنّابه
حنا اهل نجد وملكنا معزبنا=والعقيدة سنة الشرع واكتابه
وابو متعب في مباديه يعجبنا=جعل ما يعرض على النار من جابه
والولاء منا شباب وشايبنا=كل عام نبايعه هو ومن نابه
قال للبحرين تمشي كتايبنا=نروع الظالم عن الظلم وانشابه
شيخهم زابن وربعه تكاتبنا=يوم جاء عزز مقامه وهلا به
عزنا فعله وعزز مناصبنا=عاهل جت له على ما هقينا به
كلمة العاهل تطول شواربنا=كل يوم هامة العز نرقا به
لا ومر طعنا كلامه وواجبنا=ما نخالف ما يقول انتمشى به
ما نضر اللي بشرّه مجنبنا=ومن غزانا غزوته ما تهنابه
ما شكوا منا وشافت قرايبنا=بس خير ونية الخير نسعى به
رفعت الهامة من أكبر مكاسبنا=ما خشينا ريّس إيران واحزابه
أبو متعب بالشجاعة مدربنا=مثل أبوه ومثل جد تعزوى به
[/poem]
وسلامتكم