جديدي ( اوجاع الهوى ) الشاعر : ابن حريج
...........
جريت لـك في حزت اعـصـيـر موال
اســمـع صـدا صوتي لـجـريت بلحون
صرت بغرامك هـايـمِِ واشـكي الـحـال
اشكي من اوجاع الهوى هم وشجون
اكتم واداري وامـسـح الـدمـع لاســال
خـايـف من الـلي بـالحكي مـايـراعون
اخـاف مـن حــاســد وحـاقـد وعـذال
صـابــر وكـني بـيـن الاضـلاع مطعون
واللـه مـابيح الـســـد لـو الزمن طــال
اسـمـك بقـلبـي يـاهوى الـبـال مدفون
لـك في خـفـوق القلب يـازيـن منـزال
قـصــرِِ مـشــيـّد مايـزعـزع ومصيـون
قـربـك يــرد الــروح والـبُـعــد قـتــال
شفني على جـفـواك بـالحيـل محزون
انـسـاك كيف انـســاك يامـشـغـل البال
يـاكـيـف قلي كـيـف ابـنـسـاك وشلون
وانـت الـذي حــبـــك بـقـلـبـي ولازال
وانـت الوحـيـد اللي بـه القلب مفتون
وقـلـبـي لـــغــيـرك مـاتــودد ولامــال
ومابحت حبك خايف الـنـاس يدرون
طبعي وفـا واخـلاص ماصرت محتال
صـادق معك بـالحب مااكذب ولااخون
درسِِ تـعـلّـمـتــه من الـوقـت لاجـيـال
شيِِ ماهـو مـكـتـوب لـو كـان مضمون
امـشــي بـدربِِ ضـايـع الـفـكـر رحــال
امـشــي واراجـع ذكـريـاتي ومـغـبـون
جـاك الكـلام الـلي كـتـبـتـه بـالامـثـال
شـعـري كـتبته والشعـر جـاك موزون
من شـــاعــرِِ جـزلِِ مـعـانــيــه لاقــال
شـاعـر واجيده وابـدع القاف بفنـون
شعر : ابن حريج