قصيدة الشاعر الكبير / فهيد الباطح الجميلي رحمه الله
بصديقه وجاره / مزيد بن صاهود الطواله
طار الكرى والنوم عن عيني انزاح .. لا عاد يوم اللي لنا العلم جابوه
كفيت شر العوق يا طير الافلاح .... ياقاك رب البيت عن كل مكروه
يا علّنا ما نفقدك يابو سفاح .... في جاه من حجّو لبيته ولبوه
يمهلّك اسنينٍ طويله بالافراح .... المستجيب لطلبت اللي ترجّوه
المال يخلف والخساره بالارواح .... عنابرٍ تفقد ماهي قوم خلّوه
يا طيّب المنهج على كل ميلاح .... اللي ليا عدّو هل العرف عدّوه
العقل له والعرف قفلٍ ومفتاح .... ما هو بهذارٍ على كل مشبوه
ان صار بالمجلس له البال يرتاح . زحول الرجال ليا طرى اسمه تمنوه
يامر بخير وكل نوّه بالاصلاح .... ابوه قبله لابته ما استملوه
من طلعته جاهل لما شايبٍ راح .... ان جا مجاله من هل الخير هنّوه
مرحوم يا صاهود كسّاب الامداح .... نزه الجناب اللي عن الشين برّوه
ما همّته كثر الخساير والارباح .... اللي يهلّي بالرفاقه ليا جوه
عسى له الجنّه امراحٍ ومصباح .... ويغفر له اللي رد يوسف على ابوه
صلاة ربي عد ما بالنظر لاح .... عد النبات اللي على القاع شافوه