الشاعر : محمد ناصي
ياصاحبي ماني بمخطي علاكا
باسم الالهٰ المقتدر جبتها لك
اسمع كلامي يوم بين بلاكا
العقد له حله كما الربط له فك
ما جيتلك محتاج وارجي عطاكا
من فضل رب الكون وضعي متكتك
هذي هي الدعوى وذا مستواكا
لا تبتلي ربعك ولا يثير بك شك
لو انك طيب قلت مابي سواكا
لا هانت العشره ٱنا ويش ابي بك
درب العلا دونه نفوسن هلاكا
كم فارسٍ دونه تهزهز ولك لك
لا لج ليلك وانكشف لك خفاكا
عرفت ليه الصدق دك الحشاء دك
الصاحب اللي بالخفيه نهاكا
يا ليت يعطونك على خوته صك
هذا الدوا كانك تدور دواكا
ينبيك عن زلات وقتك اليا ضك
لكن قبل تزعل وتقفي وراكا
وصيتي لك لا تذكرتني زك