الشاعر الكبير : معطاب بن مسيعيد آل حفر الجميلي
ول يا وقت ٍ مضى ليته يعود وينثني مثل الليال اللي مضت يوم العنب والتين عندي يطرخن غصونه
ساكن ٍ ركـن ٍ مـن الفـردوس قلـبـي مستـريح ٍ عـن هـمومه وأخفقانه في محلٍ يعجب السّكاني
لي حـبـيـبٍ كـل مـا مـريـت جـر الـقـلب جـر الـريـل هـوبـات الـحـديـد الـمـشـتـبـك وقلوصه المشحونه
من خبر صوت القطار اليا نسحب له جلجله يمشي على جنطٍ صريخه يقعد اللي بالكرى غرقاني
كل ما سجــّيت مرّتـنـي حـلـوم اللـيـل في جـسـمه ورسـمه وأعـتـجـبت من الجمال وزين خلق عيونه
لو بغــيـت أصبـر وطـولـت المغيبه عن هوى بالي وعن نظرت جماله ما يعزيني عشير ٍ ثاني
الهـوى ياهـل الهـوى مـا يـنـعدل جـاريه عـن مجـراه يـجـري مثـل ماهـو يـجري الجاري على قانونه
له مـزاج ولـه مـحـل ٍ مـسـتقـيـم عـنـد نــاس ٍ يــفـهمون وكـل شـي ٍ بالـمكـيـل يـرجّح الميزاني
لــيـت بـاق الــوقـــت يـجــمــعــنــا ويــســمــح لــي بـــــدل مـــا فــــات نــــــاخــذ مــــزّتــــه وفـنونه
واقـضـي الـمـدّه مـع الـــلــي كــن عـوده مــثـــل عــود الـــمـــــوز والامــــطـــــرق الــريحاني