مشاريه العرب ~ الشاعر : سعيد المحطب

الشاعر : سعيد المحطب



سلام يا شعري هلا حييت دامك راس مال

لا ضاقت وساع الفجوج اسوق لك ترحالها


واقند الفكرة بكر واسوق لك صفر الدلال

بالجزل قندها الفكر ويصب لك فنجالها


وسجلت بك سطوة فكر واعلنتها لك من خلال

قصة عرب تبغى الحياة ولا لقت من شالها


اول مشاريه العرب عدت على روس الجبال

واخر مشاوير العرب ما قطعتها سهالها


ماتت امانيهم ظمى من قل عرف وضعف حال

والمشكله من بينهم دايم طوال حبالها


كف العقل قبل البصر وشلون ما جاء له مجال

ليت المقدي للعقول ليا عمت يبرى لها


لو ما اتبع بعض العرب في فعلهم قيلٍ وقال

غنى بماضيهم فخر وايضا الفخر لأجيالها