رد حمدان على ثنيان

رد الشاعر ,,,حمدان عبدالرحمن الجميلي

على الشاعر ثنيان العوده,في قصيدة وقت الاصباح

بديت في رزاق خفاق الاجناح=مطلع من الحبس المسمى سجينه
حي الكتاب وحي من به مشى راح=ترحيبة الممحل ليااقبل غشينه
بالشاعر اللي للمواجيب نطاح=جهزة مردوده بهدو وسكينه
وشفنا وجربنا الخساير والارباح=بالفاج الاقصى بين عرعر ولينه
وغديت مثل اللي تدالوه برماح=ذابح ومذبوحٍ على شان دينه
طلابته تسعه وعيوا بالاصلاح=متلطمين وجيهم سود شينه
على الذي قبلٍ شريكٍ بالارواح=وابعد وعزتني مجرد سنينه
واللي ذبحك بدون بارود وسلاح=عندك ماهو بالترك ولا جهينه
بين الربوع اللي لها النفس ترتاح=حذفة عصى تقريب بينك وبينه
وكان القلوب من الغشش بيض وصحاح=سيروا وكلاً لا ينثر طحينه
والحب ضحى بابن مصلح ورماح=وعندي خبر فرقى الخديت خدينه
جاني وجربه ابوباطح وشلاّح =وعناد والطيار متلف هجينه
خل المهاجم واقتنع واخذ ما لاح=وان صادفك نوار اقطف مزينه
مالك ومال اللي قطوع وشحّاح= واللي كتب للعبد حط بجبينه
واقنع بعطوا اللي للابواب فتاح=منجي من الامواج راعي السفينه

صح لسان أبو نايف

قصيدة كاملة ووافية

صح لساانه قصيده جزله

صح لسانك ولسان راعيهااا


يابو ثاتي

صح لسانك ولسان راعيها يابو ثاني

شـكــ وبارك الله فيك ـــرا لك ... لك مني أجمل تحية .

[grade="00008b ff6347 008000 4b0082"]
صح لسان ابو نايف قصيده جزلة
[/grade]
وسلمت يمناك

صح لسانك يا أبو ثاني